घनश्याम पौडेल
अर्घाखाँची, १३ मसिंर – अर्घाखाँची जिल्लाको पाणिनी गाउँपालिकाले चिवेक, पोखराथोक र दुर्गाफाटमा तिनदिने शिविर सञ्चालन गरी अपाङ्गता परिचयपत्र वितरण गरेको छ ।
चिवेकमा वितरण भएको अपाङ्ग परिचय पत्रमा १ सय २३ जनाले सेवा लिएका छन् । पोखराथोकमा १ सय ७०, दुर्गाफाटमा १ सय ६० जनाले परिचय पत्र पाएको गाउँपालिका अध्यक्ष अच्युत गौतमले बताए । गाउँपालिकाले क वर्गकालाई रातो, ख वर्गलाई निलो, ग वर्गलाई पहेलो र घ वर्गलाई सेतो परिचय पत्र वितरण गरिएको हो । क र ख वर्गकाले क्रमश तिन हजार र सोहृ सय रुपैँया भत्ता पाउँने अध्यक्ष गौतमले बताए ।
आफुले केहि काम गर्न नसक्ने अपाङ्गहरुलाई परिचय पत्रले दैनिकी चलाउँन सहज हुने गाउँपालिकाका उपाध्यक्ष लक्ष्मी गौतमले बताईन । डाक्टरको सिफारिस अनुसार व्यक्तीको प्रकृति बुझेर मात्र अपाङ्गताको आधारमा परिचय पत्र बनाएको गाउँपालिकाका प्रमुख प्रशासकिय अधिकृत मधुकृष्ण पौडेलले बताए । पाणिनी गाउँपालिका वडा नं। ५ मैदान अमजाका कमला बेल्वासे शारीरीक रुपमा अपाङ्ग छन् ।
उनले परिचय पत्र पाएपछि राज्यबाट पाउँने सुविधा पाउँने भए भन्दै खुसी भईन । स्थानिय सरकारको अधिकार गाउँगाउँमा भनेझै पाणिनी गाउँपालिकाले तिन ठाउँमा शिविर सञ्चालन गरेर जनतालाई सेवा दिएको छ । स्थानिय सरकारले गाउँमै गएर अन्य सेवाहरु पनि दिएमा जनतालाई राहत पुग्ने थियो ।
