टोपलाल अर्याल
गुल्मी, ८ पुस
इस्मा गाउँपालिका ६ अम्मरपुर गुल्मीको बुल्म आधारभुत बिद्यालयल र बुल्म युवा क्लवलाई भक्तपुरको संस्थाले सहयोग गरेको छ ।
मध्येपुर ठिमी भक्तपुरको ल्यायामह् पुछ सस्थाले बुल्म आभारभुत बिद्यालयका ८० जना बिद्यार्थीहरुलाई पोशाक, शैक्षिक, खेलकुदका सामग्री तथा प्राथमिक स्वास्थ्य उपचारकाका साग्री प्रदान गरेको हो । ल्यायामह् पुछ मध्येपुर ठिमी भक्तपुरका अध्यक्ष जुन श्रेष्ठले बिद्यालयका प्रध्यानाध्यापक बम बहादुर थापालाई सामग्री हस्तान्तरण गरे । साथै बुल्म युवा क्लवलाई पनि संस्थाले खेलकुदका सामग्री प्रदान गरेको छ ।
बुल्म आधारभुत प्राथमिक बिद्यालयमा सवै कुमाल समुदायका बिद्यार्थीहरुले अध्ययन गर्दै आएका छन् । गरिव तथा बिपन्न कुमाल समुदायका बालबालिकालाई भक्तपुरबाट आएर ठुलो सहयोग पुराएकोमा वडाध्यक्ष हिरा जिसीले आभार प्रकट गरे । यो कार्यक्रमले बिद्यालयका बालबालिकालाई सहयोग मात्रै नभएर भक्तपुरसंग इस्माको थप सम्बन्ध समेत स्थापित हुने विश्वास व्यक्त गरे । सहयोग गर्ने संस्थाका अध्यक्ष श्रेष्ठले पनि हरि बहादुर बैद्य प्रजापतिको सहयोगमा बुल्म गाउँमा आएर सहयोग गर्न पाएकोमा खुसी प्रकट गरे ।
भक्तपुरको टोलीलाई बिद्यालयले बुल्मको पहिचानको रुपमा रहेको वस्तु सेरामिक्सबाट उत्पादन भएको माटोका सामग्री उपहार प्रदान गरेको थियो ।
