माधब ज्ञवाली ,
पौष ११ ,गुल्मी – रुरु क्षेत्र गाउपालिका शिक्षा शाखा बलेटक्सार गुल्मीको आयोजनामा गाउपालिका भित्रका निम्न माध्यमिक बिधालय स्तरिय हाजिरी जवाफ प्रतियोगिता आज राष्ट्रिय मावी रुरु क्षेत्र गाउपालिका ३ गुल्मीमा सम्पन्न भएको छ ।
रुरु क्षेत्र गाउपालिका वडा न३ का वडा अध्यक्ष शेषनारायण पौडेल सभाध्यक्ष रहनुभएको सो कार्यक्रममा गाउपालिका अध्यक्ष निलकण्ठ गौतम प्रमुख अतिथि रहनुभएको थियो। प्रतियोगितामा गाउपालिका भित्रका विभिन्न १३ वटा बिधालयहरुको सहभागिता रहेकोमा विभिन्न चार चरणमा बिभाजन गरि कार्यक्रमलाई संचालन गरिएको थियो।जसमा रेन्बो बोर्डिङ प्रथम,जनबोध मावी दोस्रो ,रास्टृय मावी तेस्रो र जनज्योति मावी सान्त्वना हुन सफल भएका छन ।प्रथम हुने बिधालयका बिद्यार्थीहरुले एकमुष्ट नगद रु।तीन हजार र प्रमाणपत्र ,दोस्रो हुनेले नगद रु।चौबीस सय र प्रमाणपत्र ,तेस्रो हुनेले नगद रुअठार सय र प्रमाणपत्र साथै सान्त्वना हुनेले नगद रु पन्ध्र सय र प्रमाणपत्र प्राप्त गर्न सफल भएका छन। स्थान हासिल गरेका बिधालयहरुलाई पनि प्रमाणपत्र प्रदान गरिनुको साथै प्रतियोगितामा भाग लिएका सम्पुर्ण बिद्यार्थीहरुलाई सहभागिता पुरस्कार प्रदान गरिएको थियो।
तर कतिपय प्रश्नहरू बिबादास्पद सोधिएको र त्यसले कतिपय बिधालयका बिद्यार्थीहरुलाई प्रत्यक्ष असर परेको भन्दै उपस्थित विभिन्न बिधालयका शिक्षक एवम बिधार्थीहरुले असन्तुष्टि ब्यक्त गर्नुभएको थियो।यस्ता बिबादास्पद प्रश्नहरुले बिद्यार्थीहरुको आत्मविस्वासमा कमि आउन सक्ने भन्दै अबका दिनहरुमा शिक्षा शाखाले सो त्रुटिलाई सुधार्नुपर्ने धारणा उहाँहरुको रहेको थियो। शिक्षकहरुले असन्तुष्टि राख्दै गर्दा पत्रकार माधब ज्ञवालीले शिक्षकहरुको सो असन्तुष्टि प्रती गाउपालिका अध्यक्ष निलकण्ठ गौतमसङ्ग उहाँको त्यसप्रतिको धारणा सोध्नुभएको थियो जसको जवाफमा उहाले प्रश्न छनौट एवम ब्यवस्थापनमा शिक्षा शाखा चुकेको र गल्ती भएको स्वीकार गर्दै शिक्षा शाखाप्रती आक्रोश ब्यक्त गर्नुको साथै अबका दिनहरुमा यस्ता खालका गल्तीहरु हुन नदिन बिशेष कदम चालिने एवम शिक्षा शाखालाई त्यही किसिमको सुझाव ,सल्लाह एवम निर्देशन दिने पनि प्रतिबद्धता व्यक्त गर्नुभएको थियो। कार्यक्रमको संचालन लक्ष्मी न्यौपाने र महेश पोख्रेलले गर्नुभएको थियो।
