सुरेश थापा
पौष ११, गुल्मी – गौरी शंकर आधारभुत विद्यालय सत्यवती—५, नेटा गुल्मीको ३८ औं वार्षिक उत्सव तथा अभिभावक दिवस विभिन्न कार्यक्रमका साथ सम्पन्न भएको छ ।
द्धिप प्रज्योलन गरि उद्धघाटन गरिएको सो कार्यक्रममा प्रमुख अतिथि सत्यवती गाउँपालिका वडा नं ५ का वडा अध्यक्ष ओम प्रकाश भण्डारीले बोल्दै विद्यालयको प्रगतिको लागि आफ्नो वडा सधै साथमा रहेको बताउनु भयो । विद्यालय व्यवस्थापन समिति अध्यक्ष काशिराम न्यौपानेको सभापतित्व, शिक्षिका लक्ष्मी पाण्डे भण्डारीको स्वागत मन्तव्य पालिका सदस्य मनमाया थापा, वडा सदस्य नारायण न्यौपाने, सस्थापक टेकराज ढकाल, रनबहादुर थापा, पूर्व प्रअ विष्णु प्रसाद न्यौपाने विभिन्न सरकारी तथा गैर सरकारी संघ संस्थाका प्रमुख तथा प्रतिनिधि लगायतको आतिथ्यता रहेको थियो । प्रधानाध्यापक प्रकाश ढकालले शैक्षिक प्रगति तथा करिव १४ लाख बराबरको आयव्यय प्रस्तुत गर्नुभएको थियो । विच विचमा बाल गित, लोक नृत्य, खेलकुद, पूर्व विद्यार्थिका नृत्य प्रस्तुत गरिएको कार्यक्रमको संचालन शिक्षिका गिता भण्डारीले गर्नुभएको थियो ।
