सुरेश थापा
पौष १६, गुल्मी – नेपाल भ्रमण वर्ष २०२० को पूर्व सन्ध्यामा सत्यवती गाउँपालिका गुल्मीले सन २०२० लाई द्धिप प्रज्वलन गरी स्वागत गरेको छ ।
भ्रमण वर्षमा बाह्य र आन्तरीक प्रर्यटकलाई लक्षित गर्दै रुद्रावती नदीमा राफ्टिङ र भार्सेमा प्याराग्लाइडिङको व्यवस्था मिलाउने तयारी रहेको कार्यक्रमका सभाध्यक्ष तथा सत्यवती गाउँपालिका उपाध्यक्ष सुवर्ण शाही शेर्चनले बताउनु भयो । सोहि प्रसंङ्गमा प्रर्यटकको माध्यमबाट सत्यवती गाउँपालिकाको आर्थिक बृद्धि रोजगारको अवसरका साथै गरिवी निवारणमा टेवा पुग्नेमा दुइ मत नरहेको उल्लेख गर्नुभयो ।
यस गाउँपालिकामा रहेका ऐतिहासीक महत्व बोकेका थुप्रै सम्पदा रहेको र त्यस्था स्थलहरुको अवलोकनका लागि व्यापक प्रचार प्रसार गर्नुपर्नेमा जोड दिदै प्रर्यटकलाइ स्वागत गर्न गाउँपालिका आतुर रहेको प्रमुख प्रशासकिय अधिकृत यादव भण्डारी, वडा नं ६ का वडा अध्यक्ष विष्णु प्रसाद भण्डारी, योजना प्रमुख गोपाल सेन लगायतले दिपावली कार्यक्रमलाई सम्वोधन गर्दै उक्त कुरा बताउनु भयो ।
यस क्षेत्रको धार्मीक महत्व बोकेको रुद्रवेणीमा अवस्थित राममन्दिर, हुग्राय सिद्धिन सेतीनाग, हिलेबाबा धाम, बुढी सत्यवती क्षेत्र, हँसरा, लिम्घा, बकेट झरना, चमेरे गुफा, जोहाङ्गको पुत्ताउने छिरो, भकारी रह, घोप्टे ओडार, जुनिया स्थित भँयर कोत घर मा रहेको भुरे राजा पालाका तोप, तरबार, ढाल भार्से गुफा, झुलेथुम कालिका मन्दिर, फूर्से थान भार्सेली मगर जातीको सोरठी नृत्य, अगरउड, किवि खेती बाट आत्मनिर्भर बन्दै गरेको भार्से, लिम्घ एक्सिंको सोरठी र सालेजो लिम्घाको बोयरजात बाख्रा पालन, सत्यवती ६ मा रहेको कफी प्रसोधन केन्द्र लगायतका अवलोकन योग्य स्थानहरु रहेको सहभागीहरुले बताएका छन् । कृषि संयोक मुक्ति प्रसाद भण्डारीको स्वागत मन्तब्य रहेको द्धिप प्रज्वलन कार्यक्रमको संचालन सचिव झविन्द्र पाण्डेले गर्नुभएको थियो ।
