सुरेश थापा
पौष १६, गुल्मी- सत्यवती गाउँपालिकाको आयोजना र सुआहारा गुल्मीको सहआयोजनामा संचालन भएको २ दिने पोषण सम्वन्धि कार्यशाला गोष्ठि गाउँपालिकाको सभाहल खैरेनीमा सम्पन्न भएको छ ।
स्थानिय तहमा एकिकृत स्वास्थ्य तथा पोषण कार्यक्रमको दिगोपन सुनिश्चितता भन्ने मुल नाराका साथ सुरु भएको गोष्ठिको अन्तिम दिन सुआहारा गुल्मीका कार्यक्रम संयोजक अनन्त तिवारीले पोषण विनाको मस्तिष्क र पूर्ण पोषण प्राप्त व्यक्तिको मस्तिष्क विकाशका विषयमा सहजिकरण गर्नुभयो । सहभागिता विच कार्यविभाजन गरी समुहमा छलफल पछि तयार गरिएको कार्ययोजना प्रस्तुत गरिएको थियो । पोषण स्वास्थ्य सम्वन्धि जोहाङ्ग प्राथमिक स्वास्थ्य केन्द्रका शिला ढकाल, खानेपानी तथा सरसफाई सम्वन्धि वडा नं ६ का वडा अध्यक्ष विष्णु प्रसाद भण्डारी, लैङ्गिक समानता र शिक्षा वडा नं ३ का वडा अध्यक्ष रुक बहादुर राना, कृषि र पशु सम्वन्धि पशु सेवा संयोजक नारायण खनाल निति सुशासन र गाउँपालिकाको प्रतिवद्धता प्रमुख प्रशासकिय अधिकृत यादव भण्डारीले प्रस्तुत गर्नुभयो ।
समापन कार्यक्रममा गाउँपालिका उपाध्यक्ष शुवर्ण शाही शेर्चन वडा नं १ का वडा अध्यक्ष भिमलाल पाण्डे, कार्यपालिका सदस्य तेज कुमारी थापा लगायतले बोल्दै गोष्ठि फलदायी भएको प्रस्तुत कार्ययोजना कार्यान्वयनमा गाउँपालिकाले दिगो रुपमा कार्यान्वयन गर्ने उल्लेख गर्दै शुभकामना व्यक्त गर्नुभयो । गाउँपालिका अध्यक्ष पारिश्वर ढकालको सभापतित्व स्वास्थ्य कर्मी, जनप्रतिनिधि र कर्मचारीको सहभागिता रहेको कार्यक्रमको संचालन हिमलाल भण्डारीले गर्नुभयो ।
