पौष १६
चुरामणि तिमिल्सीना – नेपाल सरकारले आजदेखि यो बर्षलाई पर्यटन बर्षको रूपमा मनाउने घोषणा गरेअनुसार औपचारिक कार्यक्रमका साथ भब्य समारोहका बिच गुल्मिको प्रवेशद्वार रिडिमा पनि पर्यटन बर्ष २०२० को सुभारम्भ गरिएको छ ।
प्रदेश न ५ का विशेष अधिकार समिती का सभापति माननीय कमल राज श्रेष्ठले दिप प्रज्वलन तथा पर्यटनको नारा पढेर समुद्घाटन गर्नुभएको थियो । जिल्ला समन्वय समिती गुल्मी र रुरु क्षेत्र गाउँपालिकाको आयोजनामा कार्यक्रम गरिएको हो । कार्यक्रमको पहिलो चरणमा पन्चेबाजा सहित गुल्मिका सबै स्थानिय तहका जनप्रतिनिधिहरु, कर्मचारीहरु, सुरक्षा निकाय , पत्रकार , महिला समूह, आमा समूह , सामाजिक संघसस्थाहरु, बिधालयहरुको बाक्लो सहभागीता रहेको थियो । रिडि खुल्ला खेल मैदान देखि रिडि बजार लामो चौपरी सम्म बृहत रया्लि निकालिएको थियो । जिल्ला समन्वय समिती गुल्मीका अध्यक्ष लक्षमण पराजुली रहको अध्यक्षता रहेको कार्यक्रममा रुरु क्षेत्र गाउँपालिकाका अध्यक्ष निलकण्ठ गौतमले स्वागत मन्तव्य राख्नुभएको थियो ।
कार्यक्रममा नागरिक समाज गुल्मिका अगुवा पदम पान्डे , शिक्षक संघबाट रोहित भन्डारी, पत्रकार प्रेम सुनार, समाजबादी का घनश्याम पान्डे, नेपाली काङग्रेस का बिष्णु बलाल, नेकपाका तर्फबाट वीर बहादुर कार्की, कर्मचारीका तर्फबाट रेसुङगा नगर पालिकाका प्रमुख प्रशासकिय अधिकृत भक्तिराम मरासिनी , गाउँपालिकाका तर्फबाट मधुकृष्ण पन्थ , जिल्लाको तर्फबाट समन्वय समितीकि उपप्रमुख तुल्सी श्रेष्ठ , रेसुङगा नगरपालिकाका नगर प्रमुख डिल्लीराज भुसाल , लगायतले कार्यक्रममा शुभकामना मन्तव्य राख्नुभएको थियो । शुभकामना मन्तव्य राख्दै उहाँहरुले यो बर्षमा गुल्मीका थुप्रै सास्कृतिक धरोहरको प्रचारप्रसार हुने , बाह्य पर्यटनको सङ्ख्यामा वृद्धि हुने कुरामा जोड दिनुभएको थियो । कार्यक्रमका प्रमुख अतिथी विशेष अधिकार सभापति कमलराज श्रेष्ठले यो बर्ष मात्र पर्यटन दिबस नभइ आज देखि सुरु भएको र अबका दिन्देखी बाहय पर्यटकको संख्यामा वृद्धि हुने बताउनुभएको थियो ।
कार्यक्रममा भक्तिराम मरासिनिले जलयात्रा ,धार्मिक महोत्सव, खाना महोत्सव, होम इस्टे सन्चालन गरेमा पर्यटकको संख्यामा वृद्धि हुने कुरामा जोड दिनुभएको थियो । कार्यक्रमको सन्चालन रुरु क्षेत्र गाउँपालिकाका प्रमुख प्रसासकिय अधिकृत चेतनाथ गिरिले गर्नुभएको थियो ।
