बासुदेव पोखरेल
गुल्मी ,पुष २३ – भारद्धाज गोत्रीय पोखरेल बन्दुहरुको अन्तरक्रिया कार्यक्रम धुर्कोट गाउँपालिका ४ जैसिथोकको वडा कार्यलयमा मंगलबार सम्पन्न भएको छ ।
पोखरेल प्रतिष्ठान गुल्मिका सह–सक्योजक हुमाकान्त पोखरेलको अध्यक्षता रहेको कार्यक्रममा पोखरेल प्रतिष्ठान केन्द्रिय अध्यक्ष ओमप्रसाद पोखरेलको प्रमुख आथित्यता , उपाध्यक्ष माधव पोखरेल, शँकर पोखरेल, सल्लाहकार सदस्य रुद्र पोखरेल, इश्वरी पोखरेल, गोविन्द पोखरेल, रामप्रसाद पोखरेल लगायतको आथित्यता रहेको थियो । कार्यक्रममा बोल्दै प्रमुख अतिथि ओमप्रकाश पोखरेलले चितवनमा हुन लागेको श्रीमदभागवत महापुराण तथा धनधान्याचल विराट महायज्ञ मुल समारोहमा सबैलाई उपस्थित हुन आग्रह गर्नुभएको छ ।
महायज्ञ माघ ११ देखि १८ गते सम्म चल्ने छ । महायज्ञमा विख्यात पण्डित स्व नारायणप्रसाद पोखरेलका सुपुत्र भारद्धाज गोत्रका कुलदीप वाचक प्रविण पण्डित दीनबन्धु पोखरेलको मुखारविन्दबाट वाचन हुने छ । सम्पुर्ण भारद्धाज गोत्रीय पोखरेल एक गर्ने उद्देश्यले महायज्ञ गर्न लागीएको प्रमुख अतिथि पोखरेलले जानकारी दिनुभयो । लक्ष्मण पोखरेलको स्वागत मन्तव्यबाट सुरु भएको कार्यक्रमको सञ्चालन हरि पोखरेलले गर्नुभएको थियो ।
