अनिल खत्री
६ माघ, गुल्मी – सामुदायिक बिद्यालयहरुमा गणित र बिज्ञान बिषयमा नतिजा सुधार कार्यक्रम अन्र्तगत गुल्मीको सदरमुकाम तम्घासमा शिक्षकहरुसँग कार्यक्रम गरिएको छ ।
सामाजिक विकास डिभिजन कार्यालय तानसेन पाल्पाको आयोजनामा जिल्ला भर रहेको बिभिन्न बिद्यालयका गणित र बिज्ञान बिषयमा शिक्षहरुको सहभागितामा कार्यक्रम गरिएको हो । जिल्लाको मालिका गाउँपालिकाको सिमलटारी, जिल्ला सदरमुकाम तम्घास र चन्द्रकोट गाउँपालिकाको मजुवामा गणित र बिज्ञान बिषयका शिक्षकहरुसँग कार्यक्रम भएको हो । कक्षा १० को एसइइ परिक्षामा सुधार ल्याउन प्रदेश नम्बर ५ सरकार अन्र्तगत सामाजिक बिकास मन्त्रालयले गणित र बिज्ञान बिषयमा शिक्षहरुको सहभागितामा कार्यक्रम गर्दै आएको छ । कार्यक्रममा सामाजिक विकास डिभिजन कार्यालय तानसेन पाल्पाका कार्यालय प्रमुख लक्ष्मणप्रसाद ज्ञवालीले कक्षा दशको गणित र बिज्ञान बिषयमा नतिजालाई पनि सुधार ल्याउने उदेश्यले कार्यक्रम गरिदै आएको बताए । उनले छोटो समय भए पनि जिम्मेबार भएर लाग्नु पर्ने बताए । जिल्ला समन्वय प्रमुख लक्ष्मण पराजुलीले यो कार्यक्रम प्रदेश ५ मै पहिलो भएकोले यसको सफलताको लागी सबै पक्ष मिलेर अगाडी बढनु पर्ने बताए ।
कार्यक्रममा सहभागिहरुले सम्पूर्ण शिक्षकहरुले आफुलाई दोष नआउने तरिकाले लाग्नुपर्नेमा जोड दिएका थिए । प्रदेश सरकारले सुरु गरेको यो कार्यक्रम अन्र्तगत दिनको डेढ घण्टा प्रति विषय ५२ दिन कक्षा संचालन हुने छ ।जिल्लाको १२ वटा स्थानिय तहका बिभिन्न बिद्यालयहरुमा यो कार्यक्रम सुरु भएको छ । समग्र ५ नम्बर प्रदेशभर ७४२ विद्यालयहरुमा बिज्ञान र ८८८ विद्यालयहरुमा गणित विषयमा थप कक्षाहरु संचालन हुदैछन् । गुल्मी जिल्लाभर भने ५६ विद्यालयहरुमा बिज्ञान र ८४ विद्यालयहरुमा गणित विषयमा थप कक्षाहरु संचालन हुदैछन् । प्रति बिषयमा २० देखि ४९ जना सम्म विद्यार्थी भएका विद्यालयमा प्रति विषय रु २० हजार रुपैयाँ रकम सरकारबाट सहयोग हुने छ । ५० देखि ९९ जना सम्म विद्यार्थी भएका विद्यालयमा प्रति विषय रु २८ हजार रुपैयाँ, १०० देखि १९९ जना सम्म विद्यार्थी भएका विद्यालयमा प्रति विषय रु ३८ हजार रुपैयाँ रकम सरकारबाट सहयोग हुने छ । २०० जना देखि माथि विद्यार्थी भएका विद्यालयमा प्रति विषय रु ५४ हजार रुपैयाका दरले रकम सरकारबाट सहयोग हुने छ । यस कार्यक्रममा २० भन्दा बढी कक्षा १० मा विद्यार्थी सङ्ख्या भएका २०७६ सालको इमिस डाटा अपडेट गरेका र एसईई परीक्षा २०७५ मा नतीजा कमजोर भएका बिद्यालयहरु छानिएका छन् । जिल्लाको १२ वटा स्थानिय मध्ये रेसुङ्गा नगरपालिकाभर ४ विद्यालयहरुमा बिज्ञान र ५ विद्यालयहरुमा गणित विषयमा थप कक्षाहरु संचालन हुदैछन् ।
मुसिकोट नगरपालिकाभर ८ विद्यालयहरुमा बिज्ञान र ११ विद्यालयहरुमा गणित विषयमा थप कक्षाहरु संचालन हुदैछन् । छत्रकोट गाउँपालिकाभर ५ विद्यालयहरुमा बिज्ञान र ८ विद्यालयहरुमा गणित विषयमा थप कक्षाहरु संचालन हुदैछन् । धुर्कोट गाउँपालिकाभर ६ विद्यालयहरुमा बिज्ञान र १० विद्यालयहरुमा गणित विषयमा थप कक्षाहरु संचालन हुदैछन् । गुल्मीदरबार गाउँपालिकाभर ६ विद्यालयहरुमा बिज्ञान र ८ विद्यालयहरुमा गणित विषयमा थप कक्षाहरु संचालन हुदैछन् । इस्मा गाउँपालिकाभर ३ विद्यालयहरुमा बिज्ञान र ४ विद्यालयहरुमा गणित विषयमा थप कक्षाहरु संचालन हुदैछन् । कालीगण्डकी गाउँपालिकाभर ४ विद्यालयहरुमा बिज्ञान र ६ विद्यालयहरुमा गणित विषयमा थप कक्षाहरु संचालन हुदैछन् । मदाने गाउँपालिकाभर ३ विद्यालयहरुमा बिज्ञान र ७ विद्यालयहरुमा गणित विषयमा थप कक्षाहरु संचालन हुदैछन् । यस्तै जिल्लाको मालिका गाउँपालिकाभर ६ विद्यालयहरुमा बिज्ञान र ७ विद्यालयहरुमा गणित विषयमा थप कक्षाहरु संचालन हुदैछन् ।रूरू गाउँपालिकाभर ४ विद्यालयहरुमा बिज्ञान र ७ विद्यालयहरुमा गणित विषयमा थप कक्षाहरु संचालन हुदैछन् । सत्यवती गाउँपालिकाभर ५ विद्यालयहरुमा बिज्ञान र ७ विद्यालयहरुमा गणित विषयमा थप कक्षाहरु संचालन हुदैछन् । चन्द्रकोट गाउँपालिकाभर २ विद्यालयहरुमा बिज्ञान र ४ विद्यालयहरुमा गणित विषयमा थप कक्षाहरु संचालन हुदैछन् ।
