धन बहादुर विश्वकर्मा,
१० माघ, बुर्तिबाङ – बागलुङको ढोरपाटन नगरपालिका– ७, ८ र ९ का विपन्न परिवार तथा ज्येष्ठ नागरिकहरुलाई हालै न्यानो सल वितरण गरिएको छ ।
गत बर्ष यु.के. स्थित स्वान्सी विश्वविद्यालयमा अध्ययनरत विद्यार्थी र प्रोफेसरहरु ढोरपाटनमा अध्ययन भ्रमणका आएको बेला यस क्षेत्रमा बसोबास गर्ने विशेषगरी ढोरपाटन उपत्यका र बोबाङमा घुम्ती बसाइँसराइ गर्ने मानिसहरूको जीवनशैलीको प्रत्यक्ष अवलोकन गरेर यहाँका अपांग, अनाथ, ज्येष्ठ नागरिक र विपन्न परिवारलाई चिसोबाट बच्न न्यानो कपडा वितरण गरेको हो । पुस महिनाको सुरुवातसँगै ढोरपाटन क्षेत्रमा चिसो बढ्दै गएको छ । बर्षासँग भएको हिमपातले त्यहाँको जनजीवन कष्टकर बन्दै गएको छ । चिसोबाट बच्नका लागि ढोरपाटन नगरपालिकाको बोबाङका जेष्ठ नागरिक तथा विपन्न परिवारलाई न्यानो कपडा वितरण गरिएको हो ।वडा अध्यक्ष नन्दे सुनारको रोहवरमा वडामा रहेका जेष्ठ नागरिक र विपन्न परिवार गरि २० जनालाई न्यानो सल वितरण गरिएको आयोजक संस्था नयाँ पुस्ता नेपालको कोषाध्यक्ष सम्झना बिश्वकर्माले जानकारी दिनुभयो । कार्यक्रम नयाँ पुस्ता नेपालका अध्यक्ष कुशल बिश्वकर्माको अध्यक्षतामा सम्पन्न भएको स्थानीय जनाइएको छ ।
यसैबिच विश्वकर्मा हेल्पिङ्ग हेण्ड अराउण्ड द वल्ड कुवेतले पनि सो स्थानका विपन्न बिद्यार्थी, शारिरीक रुपमा अपाङ्गता भएका तथा ज्येष्ठ नागरिकहरुलाई शैक्षिक सामाग्री तथा न्यानो कम्बल बितरण गरेको छ ।
