गुल्मी ,
फागुन १६ – गुल्मीको धुर्कोट गाउपालीका वडा नम्बर ३ हाडहाडेको निन्नुखर्क माविले आफ्नो ६० औ वार्षिक उत्सव तथा ११ कक्षा सन्चालनको लागि अभियान कार्यक्रम सम्पन्न गरेको छ ।
कार्यक्रममा बिद्यालय व्यवस्थापन समिति अध्यक्ष ओम बहादुर थापाको अध्यक्षता,धुर्कोट गाउपालीका अध्यक्ष भुपाल पोख्रेलको प्रमुख आथित्यता, उपाध्यक्ष शिव बहादुर खत्री,वडाध्यक्ष बिष्णु बहादुर थापा श्रिष,नेपाली कांगे्रशका केन्द्रिय प्रशिक्षण प्रतिष्ठान का सदस्य छन्द बहादुर पहराई ,नेपाल कम्युनिष्ट पार्टी नेकपा धुर्कोट गाउपालीका सचिव चन्द्र सुनार, नेपाली कांग्रेश जिल्ला कार्यसमिती सदस्य पदम बिष्टको बिशिष्ट आथित्यता रहेको थियो ।वार्षिक उत्सव कार्यक्रमको अवसरमा चन्दातालाई सम्मान तथा बिभिन्न खेलकुद प्रतियोगिताहरु सम्पन्न भएका छन । जसअन्तर्गत कक्षा ६ देखि ८ सम्म को कुर्चिदौड , कक्षा ३ देखि ५ सम्मको र कक्षा ६ देखि १० सम्मको अन्तरसदनात्मक हाजिरिजवाफ प्रतियोगिता र अभिभावकहरु बिचमा समुह निर्माण खेल भएका थिए । प्रतियोगितामा उत्कृष्ट हुनेलाई पुरस्कार बितरण गरिएको छ ।
यस्तै निन्नुखर्क मावि सिंगिङ स्टारको फाइनल भएको छ जसमा सिमा नेपाली बिजेता भएकी छन । उनलाई ८४ औ वर्षको अवसरमा धुर्कोट गाउपालीका ३ निवासी भुमादेबि बिष्टले नगद पुरस्कार प्रदान गर्नुभएको थियो । हिजो र आज गरि २ दिन बिद्यालयले वार्षिक उत्सव मनाएको छ । आज शिक्षक कृष्ण बहादुर जिसिले कक्षा ११ सन्चालनको लागि प्रस्तावना मस्यौदा प्रस्तुत गर्नुभएको थियो । प्रधानाध्यापक निर बहादुर घर्ति मगरको स्वागत मन्तव्य बाट सुरु भएको समापन समारोहको सन्चालन शिक्षक कृष्ण बिष्टले गर्नुभएको थियो । कार्यक्रममा शिक्षाप्रेमि,बुद्धिजिवि,अभिभावक,बिद्यार्थि लगायतको उल्लेख्य सहभागिता रहेको थियो ।