रामकृष्ण कडेल,
चैत १० गुल्मी- रुपमा फैलिइरहेको नोवेल कोरोना भाइरस रोकथाम को लागि गुल्मिदरबार गाउपालिकाले आफ्नो गतिबिधिहरुमा अझै बढि तिव्रता ल्याएको छ।
गुल्मिदरबार गाउपालिकाबाट चैत्र ६ गतेदेखि सुरु गरेको हेल्थ डेक्स लाइ निरन्तरता दिदै शनिवार खर्ज्याङ्गमा मोबाइल हेल्थ डेक्स सन्चालन र आइतबार खर्ज्याङ्ग बजारमा छत्रकोट गाउपलिका गुल्मी, गुल्मिदरबार गाउपालिका गुल्मी र छत्रदेव गाउपालिका अर्घाखाचीको सम्युक्त हेल्थ डेक्स सन्चालन गरिएको छ साथै आइतबार देखि गुल्मिदरबार गाउपालिकाका प्रत्येक कार्यालयको प्रवेश द्वारमा साबुन पानीले अनिवार्य रुपमा हात धुनको लागि हात धुने कक्षको स्थापना गर्ने भएको छ ।आइतवार गाउपालिकाको प्रवेश द्वार अगाडि पनि साबुन पानीले हातधुने कक्षको स्थापना गरिएको छ यस अघि नै प्रत्येक स्वास्थ्य सस्थाको प्रवेश द्वार मै साबुनपानीले हात धुने कक्षको स्थापना गरिसकिएको गुल्मिदरबार गाउपालिका स्वास्थ्य अधिकृत नारायण प्रसाद अर्यालले जानकारी दिनुभएको छ ।यसैबिच नोबेल कोरोना भाइरस सङ्क्रमण रोकथाम को लागि गुल्मिदरबार गाउपालिकाका सम्पुर्ण सेवाप्रदायक स्वास्थ्यकर्मीहरु, सरकारी कार्यलयका कर्मचारीहरु, जनप्रतिनिधिहरु , महिला स्वास्थ्य स्वयम् सेविकाहरुको लागि आवश्यक माक्सको तत्कालै ब्यवस्थापन मिलाउने कुरा पनि स्वास्थ्य अधिकृत अर्याललले बताउनु भएको छ । नेपाल सरकारले घोषणा गरे अनुसार गुल्मिदरबार गाउपालिका अध्यक्ष अशोक कुमार थापाको हस्ताक्षर सहितको सार्वजनिक अनुरोध जारि गर्दै गाउपालिका भर अत्यावश्यक सेवा बाहेकका सबै सेवा बन्द गर्ने निर्णय समेत गाउपालिकाले गरेको छ ।
