गुल्मी
चैत २३ – बिश्व महामारीको रुपमा फैलिएको कोरोना भाइरस संक्रमणको सम्भावित जोखिम नियन्त्रणको लागि जिल्ला प्रशासन कार्यलय गुल्मीले आइतबार एक सुचना निकालेर निषेधाज्ञाको पालना गर्न आग्रह गरेको छ ।
गुल्मीमा स्थानिय प्रशासन ऐन २०२८ को दफा ६ को ३ बमोजिम चैत २५ गते राति १२ बजेसम्म निषेधाज्ञा जारी गरिएको छ ।गुल्मी जिल्लामा चैत महिनामा भारत तथा तेस्रो मुलुकबाट आएका आम नागरिकहरु क्वारेन्टाइनमा नवसी गाउघरमा घुमफिर गर्ने ,नेपाल सरकारबाट जारी भएका आदेश तथा निषेधाज्ञा पालना नगर्ने, एक्लै तथा समुह बनाएर हिडडुल गर्ने,खेलकुद खेल्ने ,प्रभातकालीन र सन्ध्याकालीन घुमफिर गर्ने लगायतका कार्यमा संलग्न भएको पाइएमा कानुन बमोजिम कारबाही गर्ने जनाएको छ ।यदि यस्तो कार्यमा संलग्न भएको देखिएमा नजिकैको सुरक्षा निकाय तथा जिल्ला प्रशासन कार्यलयमा गुल्मीमा जानकारी गराउन समेत अनुरोध गरिएको छ । जिल्ला प्रशासनले आइतबार एक सुचना प्रकाशित गर्दै सरकारको नियम पालना नगर्ने जो कोहिलाई पनि कानुन बमोजिक कडा भन्दा कडा कारबाहि गर्ने जनाएको छ ।