प्रेम सुनार
गुल्मी ,चैत्र २३- गुल्मीको रेसुङ्गा नगरपालिकाले पहिलो चरणमा झण्डै ४ हजार मजदुरहरुलाई राहत बाँडेको छ ।
पहिलो चरणमा सदरमुकाम तम्घास र त्यस आसपासका वडाहरु , जहाँ दैनिक ज्याला मजदुरी गरेर ठुलो संख्यामा मजदुर बस्ने गर्दछन । पहिलो प्राथामिकता तीनै वडाका मजदुरहरुलाई राहत दिने रेसुङ्खा नगरपालिकाका मेयर डिल्लीराज भुसालको निर्देशन अनुसार वडा नम्वर १ , २ , ३ , ४ , ९ , १० , ११ र वडा नम्वर १२ का गरि कुल ३ हजार ८ सय १० जना मजदुरहरुलाई राहत वितरण गरिएको त्यस नगरपालिकाका प्रमुख प्रशासकिय अधिकृत भक्तिराम मरासीनीले जानकारी दिए ।वडा नम्वर १ का वडाध्यक्ष अखिलेश्वरप्रसाद पाण्डेका अनुसार त्यस वडामा ५२ परिवारका १ सय ४८ जना मजदुरहरुलाई प्रति ब्यक्ति ५ किलो चामल , दाल , नुन , तेल , चिनी र सावुन वितरण गरिएको छ ।वडा नम्वर २ का वडाध्यक्ष उदयबहादुर थापाका अनुसार सोही राहत त्यस वडामा १०३ परिवारका ४ सय १० जनालाई वितरण गरिएको छ । वडा नम्वर ३ का वडाध्यक्ष थम्मनबहादुर केसीका अनुसार त्यस वडामा १सय ९ परिवारका ३ सय ९३ जनालाई राहत वितरण गरिएको छ ।वडा नम्वर ४ अर्खलेका वडाध्यक्ष विजय मरासीनीका अनुसार त्यस वडामा १सय २ घरधुरीका ४ सय ६८ जना मजदुरहरुलाई राहत वितरण गरिएको छ ।
वडा नम्वर ९ का वडाध्यक्ष नारायण बरालका अनुसार त्यस वडाका स्थानिय ५४ घरधुरीका १ सय ८७ जना र बाहिरबाट मजदुरी गर्न डेरा गरि बसेका २ सय ६ जना सहित कुल ७ सय ८० जनालाई वितरण गरिएको छ ।यो तथ्याङकले सदरमुकाम तम्घास भित्र ठुलो संख्यामा मजदुरहरु बस्ने वडा नम्वर ९ रहेको देखाएको छ । वडाध्यक्ष वरालले यस अघि पनि वडाको तर्फबाट अति विपन्न छाक नै अड्केका १० परिवारलाई राशन उपलब्ध गराइएको थियो । त्यस्तै १६ सय ७० थान माक्स पनि वितरण गरिएको थियो । वडा नम्वर १० सिमिचौरका वडाध्यक्ष पदमप्रसाद पाण्डेका अनुसार त्यस वडाका १ सय ४० घरधुरीका ७ सय जना मजदुरहरुलाई राहत वितरण गरिएको छ । वडा नम्वर ११ राङवासका वडाध्यक्ष खुमबहादुर रानाका अनुसार त्यस वडामा ७५ घरधुरीका २ सय ४१ ज्ना मजदुरहरुलाई राहत वितरण गरिएको छ ।त्यहाँका वडा सदस्य तुलबहादुर बुचाले नगरपालिकाको दिएको चामल दाल लगायको समाग्रीबाट त्यहाँका विपन्न वर्गलाई ठुलो राहत भएको बताए । वडा नम्वर १२ का वडाध्यक्ष कुलबहादुर टण्डनका अनुसार त्यस वडामा १ सय ३८ घरधुरीका ४ सय ७ जनालाई राहत वितरण गरिएको छ ।
आईतबार वडा नम्वर ५ , ६ , ७ , ८ र १३ मा बाँडिने कर्याक्रम रहेको वडा नम्वर ८ का वडाध्यक्ष एवं रेसुङ्का नगरपालिकाका विपद् ब्यवस्थापन समितिका संयोजक भरत भलामीले जानकारी दिए । यो पहिलो चरणको राहत १० दिनका लागि मात्र भएको र सरकारले लकडाउन थप गरे दोश्रो चरणमा राहत वितरण गरिने राहत वितरणको अनुगमनमा विभिन्न वडामा पुगेकी त्यस नगरपालिकाकी उपमेयर सिता भणडारीले जानकारी दिईन् ।उपमेयर भण्डारीले मजदुर वर्गलाई भोक पेट राख्न नदिने बताईन । मेयर डिल्लीराज भुसालले यो महाविदको बेलामा जुन सुकै समस्या परे पनि नगरपालिकालाई सुचित गरे तत्काल समस्या समधान गरिने बताए ।
