राधा पोख्रेल
गुल्मी ,चैत २४ – गुल्मीको धुर्कोट गाउपालीका महामारी तथा विपत व्यवस्थापन समितिको बैठक सम्पन्न भएको छ ।
समिति अध्यक्ष तथा गाउपालीका अध्यक्ष भुपाल पोख्रेलको अध्यक्षतामा बसेको बैठकले लकडाउनलाई कडाइका साथ कार्यन्वयन गर्ने निर्णय गरेको छ । गुल्मी जिल्लामा चैत महिनामा भारत तथा तेस्रो मुलुकबाट आएका आम नागरिकहरु क्वारेन्टाइनमा नवसी गाउघरमा घुमफिर गर्ने ,नेपाल सरकारबाट जारी भएका आदेश तथा निषेधाज्ञा पालना नगर्ने, एक्लै तथा समुह बनाएर हिडडुल गर्ने,खेलकुद खेल्ने ,प्रभातकालीन र सन्ध्याकालीन घुमफिर गर्ने लगायतका कार्यमा संलग्न भएको पाइएमा कानुन बमोजिम कारबाही गर्ने जनाएको छ । यदि यस्तो कार्यमा संलग्न भएको देखिएमा वडा कार्यलय र नजिकैको प्रहरी कार्यालयमा जानकारी गराउन समेत अनुरोध गरिएको छ । गाउपालीका उपाध्यक्ष शिब बहादुर खत्री, प्रमुख प्रशासकिय अधिकृत काशीराम पन्थी, वडा अध्यक्षहरु ,स्वास्थ्य कर्मिहरु,बिपद व्यवस्थापन समितिका सदस्यहरु, सुरक्षा निकायका प्रमुखहरु, युवा क्लबका प्रतिनिधिहरु लगायतको उपस्थितिमा बसेको बैठकले लकडाउन लाई कडाइका साथ कार्यान्वयन गराउने ,अति आवश्यक बाहेक घर बाहिर निस्कन नदिने निर्णय गरेको हो
पारिवारिक हिसावले कृषि कर्म गर्न , खाद्यान्न सामाग्री खरिद गर्न र जरुरी काम बाहेक घरबाट बाहिर ननिस्कन ,स्थानिय तहबाट आउने सडक नाकाहरुमा स्वयमसेबिकहरु परिचालन गरिएकोले उनिहरुको अनुरोधलाई पालना गरिदिन समेत अनुरोध गरिएको छ ।यस्तै बिदेशबाट आउनेलाई अनिवार्य रुपमा क्वारेन्टाइनमा राखिने र जसले लकडाउनलाई उल्लघंन गर्छ उसलाई पनि कारवाहि सहित क्वारेन्टाइनमा राखिने , जरुरी काम परेमा दुवै वडा कार्यालयको सहमतिले मात्र एक वडाबाट अर्को वडामा जान सकिने निर्णय गरिएको छ ।