चुरामणी तिमिल्सीना
गुल्मी ,चैत २४- रुरु क्षेत्र गाउँपालिका गाउँ कार्यपालिका रुरु ४ बलेटक्सार गुल्मिको बैठ्क समपन्न भएको छ।
गाउपालिका अध्यक्ष निलकण्ठ गौतमको अध्यक्षतामा बसेको बैठकमा प्रदेश नम्बर ५ का माननीय सांसद तथा विशेष अधिकार समितिका अध्यक्ष कमलराज श्रेष्ठको प्रमुख आथित्यता, गाउँपालिका उपाध्यक्ष लक्ष्मी देबि पन्थ को बिशेष आथित्यता रहेको थियो । बैठकमा रुरु क्षेत्र गाउँपालिका का प्रमुख प्रशासकिय अधिकृत चेतनाथ गिरि, स्वास्थ्य शाखाका प्रमुख छत्र बहादुर अधिकारी , शिक्षा शाखाको नेतृत्व गर्दै रमेश ज्ञवाली, नेपाल कम्युनिष्ट पार्टी नेकपा रुरु का चक्रपाणि गौतम , नेपाली कांग्रेशका ठाकुर पन्थ, उधोग बाणिज्य संघ बलेटक्सारका अध्यक्ष तोयनारायण ज्ञवाली , रुरुक्षेत्र गाउँपालिका सबै वार्डका अध्यक्षहरु जनप्रतिनिधीहरु, कार्यपालिकाका पधाधिकारीहरु, सुरक्षा निकाय र कर्मचारिहरुको सहभागिता रहेको थियो । बैठकले सबै वार्डमा ५ सैयाको क्वारेन्टाइन निर्माण गर्ने , यथार्थलाई आधार बनाइ राहत बितरण गरिने , आबश्यक औषधि खरिद गर्ने , आबश्यक परेमा अन्य यातायात लाई एम्बुलेन्सको रुपमा प्रयोग गर्ने जस्ता महत्त्वपूर्ण निर्णय गरेको छ। बैठकले गाउपालिका अध्यक्ष निलकण्ठ गौतमको अध्यक्षतामा ५ सदस्यीय पालिका स्तरिय कोरना रोकथाम तथा नियन्त्रण समिती समेत गठन गरेको छ ।
गाउँपालिका उपाध्यक्ष लक्ष्मी देबि पन्थले रुरु क्षेत्र गाउँ पालिका भित्र यो समयमा कुनै प्रकारका खाद्यान्न सामाग्री अभाब हुन नदिन उधोग बाणिज्य संघ सँग पालिकाले छलफल समेत गरेको बताउनुभएको छ । बैठकमा पालिकाका स्वास्थ्य शाखा प्रमुख अधिकारिले सबै वार्डमा केही थान भएपनि पिपिइ पठाइसकिएको र औषधि समेत वार्डमा दिइएको बताउनुभएको थियो । सबै जनप्रतिनिधीहरुले असहाय , दैनिक मजदुरी गरेर खाने निमुखा बर्गहरुको बिबरण समेत तय गरेकोले राहत पठाउन अध्यक्ष गौतम सङग आग्रह समेत गरेका थिए । बैठकमा प्रमुख अतिथी श्रेष्ठले यो समयमा आर्थिक अभाबमा कमि नबनाइ स्वास्थ सेवा प्रदान गर्न सबैलाइ आग्रह गर्नुभएको थियो ।
प्रमुख प्रशासकिय अधिकृत गिरिले यो समय जनतालाई स्वास्थ सेवा प्रदान गर्न पालिकाले जुन सुकै क्षेत्रको बजेट परिचालन गर्न सकिने हुनाले स्वास्थ सेवा दिनमा स्वास्थ्य कर्मिहरुलाइ दैनिक काममा फर्किन आग्रह समेत गर्नुभएको थियो ।