प्रेम सुनार
गुल्मी, बैशाख १६ – गएराती गुल्मीको सदरमुकाम तम्घासको एक पसलमा चोरी भएको छ ।
अज्ञात ब्यक्तिले तम्घासको सहिदचोक नजिकै तिलक स्टोर्स नामक किराना पसलको सटर र भित्रि पसलको ताला फोडेर घर्रामा रहेको नगद रकम नचोरेर दाल चामल , तेल मात्रै चोरि गरेको छ ।त्यस स्टोर्सका सञ्चालक तिलकराम पाण्डेका अनुसार अज्ञात चोरले दुई कठ्ठा चामल , एक बोरा दाल र एक पेटी खाने तेल चोरेको छ । घर्रामा रहेको नगद भने नचोरी गएको पसल धनी पाण्डेले बताए ।विहान रेसुङ्गा नगरपालिका वडा नम्वर १ का वडाध्यक्ष अखिलेश्वरप्रसाद पाण्डे लगायतका स्थानीयवासी चोरी भएको पसलमा आई गजवको चोर भन्दै थिए । त्यो अज्ञात चोरलाई यति बेला नगदको आबश्यकता भन्दा बढि राशन कै भएको ठम्याँई स्थानीयवासीको थियो । पसल तल छ , पाण्डे परिवार माथील्लो तलामा बस्छन् ।सटर भित्रि साईडको ताला पनि ठुलै छ । त्यसरी ताला फोड्ने बेला सम्म पनि पाण्डे परिवारले थाह पाउन सकेनन् । अज्ञात चोरले राशन पनि तत्कालका लागि आफुलाई चाहिने भन्दा बढि चोरेको छैन् ।