राधा पोख्रेल
बैशाख १६, गुल्मी- गुल्मीको धुर्कोट गाउपालीकाको कार्यपालीकाको बैठक बसेको छ ।
गाउपालीका अध्यक्ष भुपाल पोख्रेलको अध्यक्षतामा सामाजिक दुरी कायम गरि बसेको बैठकले दोश्रो चरणको राहत वितरण सम्बन्धमा छलफल गरेको छ । कोरोना भाइरस संक्रमणको कारण लकडाउनको अवधि लम्बीएकोले दैनिक ज्यालादारीमा काम गरी विहान साँझ छाक टार्नुपर्ने वर्गका नागरिकहरुलाई अवको दोश्रो चरणमा सिधै राहत वितरण नगरी खाद्यान्नका लागि काम दिने नीति लिने निर्णय भएको छ ।सडक, गोरेटोबाटो, खानेपानी, सिंचाईको काम गराउने , ५ जना सम्मको सानो समुह बनाई पाच वटा क्षेत्रमा सामाजिक दुरी कायम गरी ५ दिन सम्म परिचालन गर्ने ,प्रति दिन रु ५०० का दरले पारिश्रमिक उपलब्ध गराउने ,आठ जनासम्म परिवार संख्या भएको घरबाट १ जना र सो भन्दा बढी परिवार संख्या भएको घरबाट २ जनालाई काम दिने ,वडा कार्यालयहरुबाट श्रम गर्न इच्छुक व्यक्तिहरुको लागि ३ दिनको म्याद दिई वडामा निवेदन संकलन गरी गाउँपालिकाको कार्यालयमा पठाउने ,पहिले वितरण भएको राहत प्राप्त गरेको परिवारको हकमा ५ जना भन्दा बढी परिवार संख्या भएको भएमात्र निवेदन लिने निर्णय भएको छ ।
यस्तै लकडाउनका कारण रोकिएको वार्षिक परिक्षाफल प्रकाशन सम्बन्धमा पनि बैठकमा छलफल भएको छ । कक्षा १ देखि कक्षा ९ सम्मको वार्षिक परिक्षाको नतिजा यहि बैशाख २० गते भित्र प्रकाशन गर्न सम्पूर्ण विद्यालयलाई जानकारी गराउने निर्णय भएको छ ।यस्तै खाद्यान्न लगायत अत्यावश्यक सामाग्री विक्री वितरण गर्ने पसल बाहेकका सुनँचादी, फेन्सी, हार्डवयर लगायतका अन्य पसलहरु समेत दिउसो ४ बजे देखि साँझ ७ बजेसम्म खुलाउने समेत निर्णय भएको गाउपालीका अध्यक्ष भुपाल पोख्रेलले जानकारी दिनुभयो ।
