गुल्मी ,राधा पोख्रेल
बैशाख १७- गुल्मीको धुर्कोट गाउपालीका वडा नम्बर ६ रजस्थलमा २४ जना रुपन्देहिबाट आएका छन ।
बिभिन्न शिलशिलामा रुपन्देहिको भैरहवा र बुटवलमा रहेका उनिहरुलाई गाउपालीकाले गाडीको पास उपलब्ध गराएपछि ल्याइएको हो । कोरोना संक्रमण फैलिनबाट बच्न सरकारले गरेको लकडाउनका कारण घर फर्किन नपाएकाहरु आज बिहान आएका वडा अध्यक्ष कृष्ण बहादुर नेपालीले जानकारी दिनुभयो । बुधबार बिहान आएका उनिहरुको वडामा तथ्याङक राखि सुरक्षित तरिकाले होम क्वारेन्टाइनमा बस्ने गरि परिवारको जिम्मा लगाइएको वडाध्यक्ष नेपालीले बताउनुभयो । यसअघि मंगलबार इन्डीयाबाट आएका एकजनालाई डिस्चार्ज गरिएको छ । उनलाई १४ दिनसम्म क्वारेन्टाइन राखिएको थियो । १४ दिन पछि स्वास्थ्य जाँच गर्दा कोरोना नेगेटिभ देखिएपछि परिवारको जिम्मा लगाइएको हो ।
