प्रेम सुनार
गुल्मी , बैशाख १७- परराष्ट्रमन्त्री प्रदीपकुमार ज्ञवालीले कोरोना भाईरसको संक्रमणबाट बच्न स्वास्थ्य सामग्री गृह जिल्ला गुल्मीमा पठाएका छन् ।
मन्त्री ज्ञवालीले आफ्ना स्वकीय सचिब जंग नेपाली मार्फत बुधबार जिल्ला बिपत ब्यबस्थापन समितिका अध्यक्ष एवम प्रमुख जिल्ला अधिकारी भरतकुमार शर्मालाई स्वास्थ्य सामग्री हस्तान्तरण गरेका हुन् ।मन्त्री ज्ञवालीले ३७ सेट मेडिकल पिपिई , ५० सेट पिपिई , ४० सेट निला गाउन, नौसय थान ग्लोब्स , एक सय १० सेट एन नाइन्टीफाईब मास्क , १५ हजार २०० सेट सर्जिकल मास्क , एक सेट स्प्रे , ७८ लिटर सेनिटाइजर , ६५ सेट थर्मलगन र २४ सेट शु कभर र क्याप जिल्ला बिपद ब्यबस्थापन समितिका अध्यक्ष एबम प्रमुख जिल्ला अधिकारी शर्मालाई हस्तान्तरण गरेको ज्ञवालीका स्वकिय सचिब जंग नेपालीले जानकारी दिए ।स्वास्थ्य कर्मीहरुलाई बिरामीको उपचारमा स्वास्थ्य सामाग्रीको अभाब नहोस भन्नका लागि मन्त्री ज्ञवालीले जिल्लामा स्वास्थ्य सामाग्री पठाएको र आवश्यकताको आधारमा गाउँपालिकालाई जिल्ला बिपद ब्यबस्थापन समितिले बितरण गर्ने नेपालीले बताए ।
यता स्वास्थ्य सामाग्री ग्रहण गर्दै जिल्ला बिपद ब्यबस्थापन समितिका अध्यक्ष एबम प्रमुख जिल्ला अधिकारी भरतकुमार शर्माले परराष्ट्रमन्त्री प्रदीप ज्ञवालीले जिल्लामा स्वास्थ्य सामग्री पठाउँदा स्वास्थ्य कर्मीहरुको मनोबल उच्च भएको बताएका छन् । त्यहाँ उपस्थित विभिन्न मालिका प्रमुखहरुलाई प्रदेश सांसद तथा नेकपा गुल्मी जिल्ला पार्टी ईञ्चार्ज दिनेश पन्थीले हस्तान्तरण गरेका थिए ।हस्तान्तरण गर्दै सांसद पन्थीले मन्त्री ज्ञवाली प्रति आभार प्रकट गरेका थिए । त्यस्तै नेकपाका पार्टी अध्यक्ष तथा छत्रकोट गाउँपालिका प्रमुख मधुकृष्ण पन्थ र जिल्ला समन्व्य प्रमुख लक्ष्मण पराजुलीले कोरोना भाईरसको संक्रमणका बेला जिल्लाका दुई ठुृला नेता गोकर्ण बिष्ट र प्रदिप ज्ञवालीले ब्यक्तिगत प्रयासबाटै जिल्लावासीलाई स्वास्थ्य सामग्री उपलब्ध गराउँदै आएको प्रति धन्यवाद दिएका थिए ।
