गुल्मी , बैशाख १७ – केहि दिन अघि गुल्मीको चन्द्रकोट गाउँपालिका वडा नम्वर ४ शान्तिपुर स्थित घरमा आगोलागी हुँदा छोरा गुमाएका एक जना वडाध्यक्षको बुधबार हृदयघात भई मृत्यु भएको छ । बैशाख ८ गतेका दिन आफ्नो घर संगै रहेको पसलमा आगोलागी हुँदा १७ बर्षीय समिर खनालको मृत्यु भएको थियो ।बुधबार नवौं दिनमा किर्तपुरको सामुदायिक अस्पतालमा उपचार गराई रहेका उनका बाबु तथा बाग्लुङ्ग वरेङ्ग गाउँपालिका वडा नम्वर ३ का वडाध्यक्ष पुर्णबहादुर खनालको ह्दयघातबाट मृत्यु भएको सो अस्पताललले जनाएकोछ । ४७ बर्षीय खनालको शान्तिुरस्थि शान्तिपुरमा रहेका ेघर संगैको खनाल स्टोर्स पसलमा आगो लागी हुँदा साढे दुई करोड बाराबरको क्षति अनुमान गरिएको चन्द्रकोट गाउँपालिका प्रमुख द्रोणबहादुर खत्रीले बताए । खनालकी श्रीमति रुपा खानाल पनि सोही अस्पतालमा उपचार गराई रहेकी छन् ।वडाध्यक्ष खनालको निधन प्रति परराष्ट्रमन्त्री प्रदिपकुमार ज्ञवाली र प्रदेश ५ का सामाजिक विकास मन्त्री सुदर्श वरालले दुख ब्यक्त गरेका छन् । मन्त्री ज्ञवाली घाईत खनाले दम्पत्तीलाई भेट्न अस्पताल पुगेका थिए । उनी तत्कालि नेकपा एमालेबाट विजयी वडाध्यक्ष थिए ।
