बैशाख २१
प्रेम सुनार
गुृल्मी, बैशाख २१ । गुल्मीका तीन वटा स्थानीय तहले कोरोना भाईरसको सक्रमण परिक्षणका लागि किट , पिपीई सेट लगायतका स्वास्थ्य सामग्री र गरिव मजदुरहरुलाई राहत वितरणका लागि संघिय र प्रदेश सरकारबाट प्याकेजमा सहयोग हुनु पर्ने माग गरेका छन् ।
प्रदेश सांसद तथा प्रदेश सभा लेखा परिक्षण समितिकी सदस्य गिता थापाको नेतृत्वमा जिल्ला समन्व्य समितिले गरेको अनुमगनका क्रममा चन्द्रकोट गाउँपालिका , कालिगण्डकी गाउँपालिका र सत्यवती गाउँपालिकाका जनप्रतिनिधीहरुले यस्तो माग गरेका हुन् ।
संघिय सरकारका परराष्ट्र मन्त्री प्रदिपकुमार ज्ञवाली र पुर्व मन्त्री गोकण बिष्टले पठाएको पिपीई , स्पे्रगन लगायतको स्वास्थ्य सामग्रीले वटा स्तर सम्मका स्थास्थ्य चौकीमा दुई दुई थान पिपीई लगायतको स्वास्थ्य सामग्री उपलब्ध गराए पनि त्यो प्रर्याप्त नभएकोले थप स्वास्थ्य सामग्री प्रदेश वा संघिय सरकारबाट पठाईनु पर्ने चन्द्रकोट गाउँपालिका अध्यक्ष द्रोणबहादुर खत्रीले बताए ।
गाउँपालिका स्तरको क्वारेन्टाईनमा आबश्यक सबै प्रबन्ध मिलाईएको , वडास्तरका सबै स्वास्थ्य चौकीहरुमा पनि क्यारेन्टाईनको स्थापना गरिएको र बिशेष गरि होम क्वारेन्टाईनमा राखेर जनप्रतिनिधी , स्वास्थ्यकर्मी , कर्मचारी र समाजका सबै पक्षको सर्वपक्षिय संयन्त्र बनाएर निगरानी बढाई गाउँपालिका ध्यक्ष खत्रीले प्रदेश सांसद गिता थापालाई अबगत गराए ।
लकडाउनको र राहत वितरणको अबस्था बारे स्थलगत अनुमनका क्रममा प्रदेश सांसद थापा , जिल्ला समन्व्य समितिका सदस्य चेतन बस्नेत , जिल्ला समन्व्य अनुमन समितिका फोकल पर्शन कर्मचारी रेशम भुृसालले स्वास्थ्यस्थिती , राहत वितरणमा चन्द्रकोट गाउँपालिकामा सन्तोषजन रहेको बताउँदै अनुगन टोलीले आफ्नो सुझावहरु पनि दिएका बताए ।
सोही गाउँपालिका अनुगमन समितिकी संयोजक तथा गाउँपालिका उपाध्यक्ष राधिका अर्याल , प्रमुख प्रशासकिय अधिकृत कृष्णप्रसाद भण्डारीले वडा स्तर सम्मका क्वारेन्टाईनलाई आबश्यक पर्ने सबैखाले सामग्री तयारी अवस्थामा राखिएको , कोरोना बिरुद्धको जनचेतना कार्यक्रम सञ्चालन गरिएको र तेश्रो चरणको राहत वितरण समेत गरिएको जानकारी दिए ।
अन्य पालिकाहरुको तुलनामा चन्द्रकोट गाउँपालिकाले राहत बितरणमा बढि नै मन फुकाएको सांसद गिता थापा लगायतको अनुमन टोलीले बताए । त्यसमा पनि वडा नम्वर ६ हरेवामा त्यस वडाका वडाध्यक्ष गोकर्ण शर्माले गाउँपालिकाले निर्णय नगर्नु पुर्व नै त्यहाँको नेपाल कम्युनिष्ट पार्टी (. नेकपा ) नेपाली कांग्रेस र जनप्रतिनिधीहरुबाट रकम संकलन गरि सुरु मै राहत बाँडेर उल्लेनिय कार्य गरेको अनुमन टोलीको ठम्याँईल थियो ।
त्यस्तै कालिगण्डकी गाउँपालिकाले पनि लकडाउनलाई चुस्त राखेको र राहत बितरण पनि सन्तोषजन गरेको पाईएको अनुगन टोलीले बताएको छ । त्यस गाउँपालिका अध्यक्ष वेदबहादुर थापा मगरले स्थानीय सरकारबाट कोरोना प्रतिरोधात्मक कार्यक्रम र राहत वितरणमा कमी हुन नदिईएको तर किट , पिपीई लगायतको स्वास्थ्य सामग्री पर्याप्त नभएकोले प्रदेश र संघिय सरकारबाट पठाउनु पर्ने माग गरे ।
गाउँपालिका उपाध्यक्ष तारा थापा र प्रमुख प्रशासकिय अधिकृत बाबुरामा पल्लीले बाग्लु र पर्वत सिमनामा रहेको र त्यसु तर्फबाट रुकुम रोल्पा कैलाली तर्फ जाने मजदुरहरुलाई उद्धार गरिए पठाउने कार्यमा कमी हुन नदिको बताए । पछिल्लो चरण कालिगण्डकी गाउँपालिकाले बाग्लुङ्ग तर्फबाट कैलाली सम्म घर जान हिडेर आएका १२ जना मजदुरहरुलाई उद्धार गरि गाडीमा राखेर त्यस तर्फ पठाएको छ ।
त्यस्तै सत्यवती गाउँपालिकामा आईसोलेशन कक्ष र क्वारेन्टाईन जिल्ला मै नमुना योग्य रहेको अनुमन टोलीले ठहर गरेको छ । मानव बसाईलाई आबश्यक सबैखोले सुविधा युक्त क्वारेन्टाईन र सुरक्षित आईसोलेशन कक्ष अन्यत्र नदेखिएको सांसद थापाले बताईन ।
त्यस गाउँपालिका अध्यक्ष पारिश्वर ढकालले यो विपद्मा अन्य विकास निर्माणको रकम रकमान्तर गरेर भए पनि गरिव मजदुर वर्गको उद्धारमा कमी हुन नदिईएको र बाहिरबाट सत्यवती भित्रिने मानिसहरुलाई सबैतिरका नाकमा हेल्थ डेक्स राखिर स्वास्थ्य परिक्षण गदै उनीहरुको तथ्याङक समेत राख्ने गरिएको बताए ।
त्यस गाउँपालिका उपाध्यक्ष तथा अनुगमन समिति संयोजक सुवर्ण शेरचनले राहत वितरणमा कतैबाट गुनासा नआउने गरि काम गरिएको दावी गरिन् । त्यस गाउँपालिकाको तर्फबाट प्रमुख प्रशासकिय अधिकृत यादव भण्डारीले प्रदेश सरकार संग विभिन्न ३२ वटा योजनाहरु माग गरेर अनुमन समितिलाई बुझाएका छन् ।
चन्द्रकोट र कालिगण्डकी गाउँपालिकाले पनि १० / १० वटा योजना माग गरेर प्रदेश सांसद गिता थापालाई बुझाएका छन् । ती गाउँपालिकाबाट आएका सुझाव र माग गरिएका योजनाहरु प्रदेश सरकारलाई पठाउने काम भई रहेको जिल्ला समन्व्य समितिका फोकल पर्शन रेशम भुसालले जानकारी दिए ।
