विश्व शान्ती र कोरोना भाइरस नियन्त्रणको कामना गर्दै देशभर दीप प्रज्ज्वलन

बैशाख २६ – विश्व शान्ती र कोरोना भाइरस नियन्त्रणको कामना गर्दै बिहिबार साँझ देशभर दीप प्रज्ज्वलन गरिएको छ।
बिहीबार साँझ ७ बजे सरकारी कार्यालयदेखि घरघरमा दीप प्रज्वलन गरिएको हो। सरकारले २५६४औँ गौतम बुद्धजयन्तीका अवसरमा दीप प्रज्ज्वलन गर्न आह्वान गरेको थियो। सरकारले कोरोना भाइरस विरुद्ध अग्रमोर्चामा लडिरहेका चिकित्सक, स्वास्थ्यकर्मी, सुरक्षाकर्मी तथा स्वयमसेवकप्रति उच्च सम्मान तथा सङ्क्रमितको स्वास्थ्य लाभ र मृत्युवरण गरेकाको शान्तिका लागि दीप दीप बाल्न आग्रह गरेको थियो। बिहीबार साँझ राष्ट्रपति विद्यादेवी भण्डारीले शीतल निवास परिसरमा दीप प्रज्ज्वलन गर्नुभएको छ । त्यस्तै प्रधानमन्त्री केपी शर्मा ओलीले सरकारी निवास बालुवाटारमा दीप प्रज्वलन गर्नुभएको छ ।यस्तै गल्मीमा पनि बिभिन्न कार्यालय तथा घरघरमा दीप प्रज्ज्वलन गरिएको छ। कोरोनाको संकटका कारण यस पटक बुद्ध जन्मस्थलमा कुनै उत्सवमय कार्यक्रम भने गरिएको छैन ।