गुल्मी
राधा पोखे्रल ,जेठ ७ – गुल्मीको धुर्कोट गाउपालीका वडा नम्बर ४ जैसिथोकका जनप्रतिनिधी , स्थानिय बुद्धिजिवी,राजनैतिक पार्टी प्रतिनिधि,शिक्षक कर्मचारीहरु,सुरक्षाकर्मिको उपस्थितिमा बैठक बसेको छ ।
मंगलबार बसेको बैठकले लक्ष्मीप्रसाद खनालको संयोजकत्वमा १३ सदस्यीय लकडाउन कार्यान्वयन तथा अनुगमन समिति गठन गरिएको छ । बैठकले अर्को सुचना जारी नभएसम्म खाद्यान्न पसलहरु बेलुका ५ बजेदेखि ७ बजेसम्म खोल्ने ,होटल,रेष्टुरेन्ट , नास्ता पसलहरु पुर्ण रुपमा बन्द गर्ने,एक वार्डबाट अर्को वार्डमा अति आवश्यक परेको अवस्थामा अनुमति लिएर मात्रै जान पाइने ,स्थानिय स्तरमा उपलब्ध भएको सामाग्री प्रयोग गरि निर्माण कार्य गर्न पाइने ,कोरोना संक्रमणबाट बच्नको लागि समाजमा जनचेतनामुलक कार्यक्रम सन्चालन गर्ने निर्णय गरेको छ । यस्तै अझैपनि टोलटोलमा जुँवातास ,क्याराम्बोट, भलिबल जस्ता खेलहरु खेल्ने गरेको गुनासो आएकाले यसलाई पुर्ण रुपमा रोक लगाइने पनि निर्णय भएको छ ।
बैटकले वडा नम्बर ४ भित्रका बिभिन्न सिलसिलामा स्वदेश भित्र घर भन्दा बाहिर रहेका र भारत तथा तेस्रो मुलुकमा गएका व्यक्तिहरुको तथ्याकं संकलन गर्ने निर्णय पनि गरेको छ ।
