कमल राज पुरी
गुल्मी ,जेठ २४ -गुल्मीको क्वारेन्टाइनबाट चोरी गरि फरार व्यक्ति प्युठानमा पक्राउ परेका छन ।
मालिका गाउपालिका वडा नम्बर ८ सिमलटारीमा रहेको मालिका मा वि को क्वारेन्टाइन बाट पैसा र मोवाईल चोरी गरि फरार भएका मालिका गाउपालिका वडा नम्बर ७ घमिरका राजेन्द्र परियार प्युठान प्रहरीको समन्वयमा प्युठानको मच्छी र विजुवारको बिचमा पक्राउ परेका हुन । उनी बुटवलको सिद्धबाबा बाट बस चढि भारतबाट सिमलटारी आउने १४ जनाको समुहमा आएर क्वारेन्टाइनमा बस्दै आएका थिए । क्वारेन्टाइनमा बसेको १२ अौ दिनका दिन सँगै बस्ने साथीको मोवाईल र पैसा चोरी गरेर फरार भएका उनी चार दिनपछी प्युठानमा फेला परेका हुन । प्युठान प्रहरीका अनुसार उनले चोरी गरेको पैसा खर्च गरेर सकिसकेको बताएका छन भने मोवाइल फेला परेको छ । उनलाई फेरि गुल्मीको क्वारेन्टाइनमा ल्याउन समस्या हुने भएकाले प्युठानमा नै क्वारेनटाईनमा राखिएको मालिका गाउपालिका वडा नम्बर ८ का वडा अध्यक्ष टीका जिसीले बताए । उनी यस भन्दा पहिले पनि चोरीमा सँलग्न भएको कुरा खुलेको छ ।