गोविन्द भुसाल
गुल्मी, जेठ ३० – बिस्व भर महामारीको रुप लिएको कोभिड १९ को रोकथामको लागी नेपाल सरकारले विभिन्न सुरक्षा र सतर्कता अपनाइ रहदा मदाने गाउँपालिका वार्ड नम्बर २ बाझकटेरिले पनि विभिन्न सुरक्षा र सतर्कता अपनाइरहेको छ । बाहिरबाट आएका व्यक्तिहरुलाई मदाने गाउँपालिका वार्ड नम्बर २ मा बनाइएको क्वारेन्टाइनमा रखिएको छ। जसमध्ये बाझकटेरी माध्यमिक बिधालयको क्वारेन्टाइनमा १८ र बालबिकास निम्नमाध्यमिक बिद्यालय भेडिखोरमा १४ गरि बाझकटेरिमा जम्मा ३२ जना रहेको वार्ड अध्यक्ष माधव भुसालले जानकारी दिनुभयो। जसमा १ जना गर्भवती महिला रहेको र उहाँको स्वास्थ अवस्था सामान्य रहेको बाझकटेरी स्वास्थ चौकीका इन्चार्ज घन बहादुर थापा मगरले जानकारी दिनुभयो। त्यस्तै गर्भवती महिलालाई आवश्यक पर्ने औसधिमध्ये आइरन चक्की र क्याल्सियम खानुपर्नेमा क्याल्सियम खाइरहेको र आइरन चक्की सकिएकोले १ महिनालाई पुग्ने गरि औसधि गर्भवती महिलालाई दिएको समेत इन्चार्ज घन बहादुर थापा मगरले जानकारी दिनुभयो। क्वारेन्टाइनमा रहेका सबैको दैनिक स्वास्थ चेकजाँच गर्दा सामान्य रहेको समेत उहाले जानकारी दिनुभयो ।
