स्वास्थ्य तथा जनसङ्ख्या मन्त्रालयका अनुसार कैलालीको गोदावरी ४ का ४६ वर्षीय पुरुष र कैलालीकै लम्कीचुहा नगरपालिका २ की ४३ वर्षीया महिलाको कोरोनाका कारण मृत्यु भएको हो । दुवै जनाको उपचारको क्रममा मृत्यु भएको मन्त्रालयका प्रवक्ता डाक्टर जागेश्वर गौतमले बताउनुभयो ।
स्वास्थ्यमा समस्या आएपछि ४६ वर्षीय पुरुष कैलालीकै नवजीवन अस्पतालमा भर्ना भएका थिए । गएको जेठ ३१ गते कोरोना सङ्क्रमण पुष्टि भएपछि उहाँलाई सेती प्रादेशिक अस्पताल भर्ना गरिएको थियो । उहाँको असार ३ गते बेलुकी निधन भएको हो ।
यस्तै लम्कीचुहा नगरपालिकाकी महिलाको टाउकोमा चोट लागेपछि उपचारको लागि नेपालगञ्ज मेडिकल कलेजमा भर्ना गरिएको थियो । गएको जेठ ३१ गते अस्पताला भर्ना हुनुभएकी महिलाको असार २ गते सर्जरी गर्नुअघि नमुना सङ्कलन गरिएको थियो । उहाँको असार २ गते नै मृत्यु भएको प्रवक्ता गौतमले बताउनुभयो । भेरी अस्पतालमा भएको परीक्षणमा असार ३ गते कोरोना सङ्क्रमण पोजेटिभ देखिएको थियो ।
