गुल्मी
असार २५- गुल्मीमा थप ४ जनामा कोरोना संक्रमण पुष्टि भएको छ ।
यो संगै जिल्लामा संक्रमितको संख्या ३४८ पुगेको छ । प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा धुर्कोट गाउपालीकामा २० र २३ वर्षिय महिला र २१ र ३४ वर्षिय पुरुषमा कोरोना संक्रमण पुष्टि भएको स्वास्थ्य कार्यालय गुल्मीका सूचना अधिकारी पशुपति आचार्यले जानकारी दिनुभयो । तीन सय ४८ जना संक्रमित मध्ये दूई सय ६५ जना निको भएर घर फर्किएका छन भने बाँकीको आइसोलेशनमा राखेर उपचार भइरहेको छ । हालसम्म जिल्लामा कोरोना संक्रमणका कारण तीन जनाको ज्यान गइसकेको छ ।
