गुल्मी
असार २७- गुल्मीमा गत असार १८ गते बाढी तथा पहिरोमा बेपत्ता भएका मुसिकोट नगरपालिकाका वडा नम्बर दुईका ५५ वर्षिय भागिरथ घिमिरेलाई परिवारले आँफै मृतक घोषणा गरि काजकिरिया सुरु गरेको छन । घिमिरेलाई परिवारले आँफै मृतक घोषणा गरि काजकिरिया सुरु गरेको मुसिकोट नगरपालिकाका प्रमुख सोमनाथ सापकोटाले जानकारी दिनुभयो । घिमिरेको मृत शरीरको प्रतिक बनाएर सोहीमा काजकिरीया गरिएको छ । दुई दिनसम्म डोजर प्रयोग गरि सुरक्षाकर्मीले खोजिकार्य गर्दा पनि शव नभेटिएपछि परिवारले जिवितै भेट्ने आस मारेको जनप्रतिनिधिको बुझाई छ । यद्यपि खोजी कार्य जारी राखिएको प्रमुख जिल्ला अधिकारी भरत कुमार शर्माले बताए । गत असार १८ गते अविरल वर्षासँगै बाढी र पहिरो जादा गुल्मीका दुई स्थानीय तह मुसिकोट नगरपालिका र इस्मा गाउँपालिकाले ठुलो मात्रामा क्षेती व्यहोर्नु परेको छ । जिल्लाको इस्मा गाउँपालिकामा दुई बालबालिकाले ज्यान गुमाए भने पाँच जना घाइते भए । मुसिकोट नगरपालिकामा पनि पहिरो र बाढिका कारण ठुलो नोक्सानी भएको छ ।
