साउन ३०
गुल्मीमा अपरिचित ब्याक्तिले बिहीबार राती मोटरसाइकल जलाइदिएका छन् । जिल्लाको रेसुङगा नगरपालिका वडा नं ४ अर्खलेमा तरकारी संकलनका लागि बनाएको भबनमा ताल्चा फोडी रोकी राखेको लु ३९ प ५२४३ नम्बरको पल्सर मोटरसाइकल बाहिर निकाली आगोलगाई दिएको प्रहरीले जनाएको छ । मोटरसाइकल पुर्ण रुपमा क्षती भएको र आगोलगाई दिने ब्याक्तिको खोजी कार्य जारी रहेको जिल्ला प्रहरी कार्यालय गुल्मीका प्रहरी नायब उपरीक्षक केदारराज पन्तले जानकारी दिए । घटनाको बारेमा थप अनुसन्धान भइरहेको जिल्ला प्रहरी कार्यालय गुल्मीले जनाएको छ । सन्तोष हमालको १५० सिसिको पल्सर मोटरसाइकल तीन दिन अगाडी देखि लक गरी उक्त भवनमा राखिएको थियो।
