सात चिकित्सकसहित १७ जनामा कोरोना पुष्टि भएपछि अर्घाखाँची अस्पताल बन्द

कार्तिक २३
प्रेम आचार्य- सातजना चिकित्सकसहित १७ जना स्वास्थ्यकर्मीमा कोरोना संक्रमण देखिएपछि अर्घाखाँची जिल्ला अस्पताल बन्द भएको छ । अर्घाखाँची जिल्ला अस्पतालका प्रमुख डा। कपिल गौतमसहित ७ जना चिकित्सक र १० जना स्वास्थयकर्मी गरेर १७ जनामा लक्षणसहितको कोरोना देखिएपछि प्रसूति र अत्यावश्यक बाहेकका सम्पूर्ण सेवा बन्द गरिएको हो । चिकित्सक र स्वास्थ्यकर्मीमा संक्रमण देखिएपछि अर्को सूचना जारी नहुँदासम्मको लागि अस्पतालका सबै सेवा बन्द गरिएको जिल्ला अस्पताल अर्घाखाँचीका प्रमुख डाक्टर डा। गौतमले जानकारी गराएका हुन् ।