कात्तिक २५
कृष्ण अन्जान
रुरु
प्रकृति अनौठो छ जहाँ नियमित प्रकृया पनि भइरहन्छन भने अनौठा र अपत्यारिला घटना पनि यहि प्रकृति भित्र हुनेगर्छन ।
कहिलेकाँहि सुन्दा अपत्यारिलो तर वास्तविकता भने सत्य हुन्छ ।यस्तै एउटा अपत्यारिलो तर सत्य रुरुक्षेत्र गाउँ पालिका वडा न १ भट्कुवाका खिमबहादुर चन्दको घरमा घटेको छ ।खिमबहादुर चन्दको घरमा एउटा यस्तो गाई छ जस्ले करिव १० बर्ष देखि निरन्तर साँझ विहान दूध दिएको छ तर उक्त गाई पछिल्लो पटक २०६८ सालको चैत्रमा व्याएको हो त्यसपछि न व्याएको छ तर दूध भने निरन्तर बिहान साँझ दिने गरेको छ ।२०६५ सालमा रुरुक्षेत्र ३का शुकदेव गौतमकाहाँ बाट जर्सि जातको गाई किनेका खिम बहादुर चन्दको घरमा पुगेको गाई २०६५,२०६७,र२०६८को चैत्रमा पटक व्याएको र त्यसपछि बहर पनि लागेन र अहिले सम्म बिहान २ माना र साँझ २ माना दूध दिने गरेको खिमबहादुरले बताउनु भयो ।
हामी पनि अचम्ममा छौँ प्रकृतिको यो खेल देखेर खिमबहादुर ले भन्नु भयो ।दूध पनि बाक्लो छ र घिउ पनि मज्जाले लाग्छ महिनाको ३ किलो घिउ त यहि गाइको लाग्ने गरेको छ खिमबहादुरले भन्नु भयो ।यसै गाइको बाच्छी हुर्केर धेरैपटक व्याइ सक्यो तर माउ भने २०६८ सालमा व्याएपछि फेरि व्याएन भगवानको चमत्कार तर दूध दिन छाडेन । वास्तवमै पौराणिक धर्मग्रन्थमा उल्लेखित कामधेनु गाइकै श्रेणिमा यो गाई रहेको र आफुले पनि पटक पटक भट्कुवा तिर हिँड्दा यो गाइको दूध खाएको रुरु १ च्युरेकका समाजसेवि परमानन्द ज्ञवालीले बताउनु भयो ।भेटनरिका प्राविधिक हरुपनि आएर पटकपटक गाइलाइ हेरेको तर के कारण हो पत्ता लगाउन नसकेको गाइका मालिक खिम बहादुर चन्दले बताउनु भयो ।वास्तवमै प्रकृति लाई समेत चुनौति दिने गरि व्याएको १० बर्ष सम्म दूध दिएको अनुसन्धानको विषय बन्न सक्ने भएको छ
