अनिल खत्री
२४ मंसिर, गुल्मी ।
गुल्मीका सरोकारवाला निकायहरुले भ्रष्टचार विरुद्धको अभियानमा ऐक्यवद्धता जनाएका छन् । अन्र्तराष्ट्रिय भ्रष्टचार विरुद्धको दिवसका अवरमा भ्रष्टाचार विरुद्धको नागरिक निगारानी संस्था गुल्मीले जिल्ला प्रशासन कार्यालयको सभाहलमा आयोजना गरेको कार्यक्रमका सहभागिहरुले नेपालमा भ्रष्ट्रचार बढ्दै गईरहेकोप्रति चिन्ता व्यक्त गर्दै भ्रष्टचार विरुद्धको अभियानमा ऐक्यवद्धता जनाएका हुन् ।
‘‘भ्रष्टाचार विरुद्धको सहकार्य, सुशासनका लागि अपरिहार्य’’ भन्ने मूल नाराका साथ कार्यक्रम आयोजना गरिएको थियो । त्यस अवसरमा प्रमुख जिल्ला अधिकारी भरतकुमार शर्माले सरकार तथा गैरसरकारी संस्थाहरु भ्रष्टाचार विरुद्ध लागि परेको बताए । तर पनि भ्रष्टाचार नियन्त्रण गर्न कठिनाई भईरहेको बताउनुभएको छ ।
प्रजिअ शर्माले भ्रष्टाचारको नियन्त्रणका लागि नेतृत्व ठिक हुनुपर्ने बताए । नेतृत्वले भ्रष्टार नगरे तलको कर्मचारीले भ्रष्टाचार गर्ने आँट गर्न नसक्ने बताए । उनले दलित प्रतिनिधिहरुलाई दलले नै कन्ट्रोल गरेर राख्न सके भ्रष्ट्राचार न्यून हँुदै जाने बताए ।
जिल्लामा अख्तियारको जिम्मा समेत प्रजिअलाई दिईएकाले क्षमता विकासका कार्यक्रम गरिनुपर्ने जनशक्तिको क्षमता वृद्धि गरि क्षेत्र समेत निर्धारण गर्न आवश्यक रहेको बताए ।
नेपाल कम्युनिष्ट पार्टी (नेकपा) जिल्ला सचिव वीर बहादुर कार्कीले वर्तमान सरकारले भ्रष्टाचारीहरुलाई बाहिर ल्याएकोे बताए । अहिले स्थानीयतह देखि केन्द्रसम्म नेकपाको सरकार भएकाले आफुहरुले दलिय प्रतिनिधिहरुलाई भ्रष्टार विरुद्ध चनाखो बन्न निर्देशन दिने गरिएको उल्लेख गरे ।
कार्यक्रममा नेपाली काँग्रेस जिल्ला सभापति भुवन प्रसाद श्रेष्ठले भष्ट्राचार रोग मात्र नभई महारोग भएको बताए । यो महारोगको नियन्त्रणोन्मुख नहुनु चिन्ताको बिषय भको बताउनुभयो ।
सभापति श्रेष्ठले सरकारको ओठे भक्तिले मात्र भ्रष्टाचारको नियन्त्रण गर्न नसकिने दाबी गरे । जनता समाजवादी पार्टी गुल्मीका वरिष्ठ उपाध्यक्ष घनश्याम पाण्डेले देशमा भ्रष्टाचार बढ्दा जनतामा वितृष्णा पैदा भएको बताए । पाण्डेले भ्रष्टाचार वृद्धि हुनुले राजनैतिक, आर्थिक प्रणाली नै असफल भएको संकेत गर्ने बताए ।
शुसासन अभियान गुल्मीका उपाध्यक्ष ढुण्डीराज पोख्रेरलले पछिल्लो समय नैतिकता, मानवता हराउँदै गईरहेको बताए । भ्रष्टाराचीहरुलाई समाजबाट तिरस्कृत गर्ने प्रवृत्तिको विकास नभएसम्म भ्रष्टाचारलाई न्यूनिकरण गर्न नसकिने बताए । यसको अन्त्यका लागि व्यक्तिको बोली र व्यवहारमा फरक हुन नहुने पोख्ररेलले बताए ।
भ्रष्टाचार विरुद्धको नागरिक निगरानी संस्था गुल्मीका अध्यक्ष पदम प्रसाद पाण्डेले देशमा भ्रष्टाचार वृद्धि भईरहेको भन्ने पछिल्लो रिपोर्टले भ्रष्टाचार विरुद्धका अभियान्ताहरुको चिन्ता बढ्दे गईरहेको बताए । त्यस अवसरमा पाण्डेलेयस जिल्लामा पनि विकास निर्माणका कामहरु समयमै सम्पन्न नभएको, जवाफदेहिता नदेखिएको बताए । भड्किलो चुनावले अयोग्य जनप्रतिनिधि जन्माउने अवस्था आउन सक्नेतर्फ सचेत समेत बताए ।