पुष ५
सिर्जनशिल युवा क्लब गुल्मीदरवार २ जुभुङ्ग उर्लाकोटले आयोजना गरेको प्रथम महिला भलिबल र साविक वडा स्तरीय पुरुष भलिबलको फाईनल होजो राती सम्पन्न सम्पन्न भएको छ। वडामै पहिलो पटक आयोजना गरिएको महिला भलिबल तर्फ आयोजक टिम संग ७ टिमले दर्ता गरेका थिए। जसमध्य न्यु नमुना युवा समुह लिम्घा प्रथम र जय हिमालयन युवा क्लब बलिथुम रैनादीले दोस्रो स्थान हासिल गर्न सफल भएका थिए। त्यसैगरि प्रथम र दोस्रो पुरस्कार क्रमश ५,०००,२,५०० र ट्रफी, मेडल र प्रमाणपत्र प्रदान गरिनुको साथै उपस्थित सम्पुर्ण महिला टिमलाई १,५०० का दरले हौसला पुरस्कार प्रदान गरिएको थियो।
वडा कै पहिलो महिला भलिबल प्रतियोगिता भएकाले राति देखि सुरु भएको खेलमा पनि स्थानिय लगायतको दर्शकको उच्च उपस्थिति रहेको थियो।
त्यसैगरि, पुरुष भलिबल प्रतियोगिता तर्फ २३ टिमको दर्ता रहेको थियो। जसमध्य प्रथम एक्टिभ युवा क्लब गेखुङ्ग,दोस्रो सिर्जनशिल युवा क्लब उर्लाकोट र तेस्रो जय भैरब हुल्टुङ्ग भएका थिए। क्रमश प्रथम, दोस्रो र तेस्रो पुरस्कार २२,५००, १२,५००, ७,५०० का साथ ट्रफी मेडल र प्रमाणपत्र प्रदान गरियको थियो। भने अनुशासन तर्फ क्रियटिभ युवा क्लबलाई रू। १,५०० प्रदान गरिएको छ।त्यस्तै उत्कृष्ट खेलाडी तर्फ जय भैरब युवा क्लबका खेलाडी रमेश रास्कोटीले र उत्कृष्ट स्पाइकर तर्फ एक्टिभ युवा क्लबका विशाल सुनारले पुरस्कार हात पारे।
३ दिन चलेको प्रतियोगिताको फाइनल हिजो शनिवार राति सकिएको हो। वडामै पहिलो पटक रातिमा सञ्चालन गरिएको उक्त प्रतियोगिता रातिमा सञ्चालन गर्नका लागि लाईटको राम्रो व्यवस्था गरिएको थियो।
त्यसैगरि, सभापति केशर सिंह सारु र प्रमुख अतिथी वडाध्यक्ष हरिहर गौतम रहनु भएको कार्यक्रम सञ्चालन विजय सारुले गरेका थिए। प्रतियोगिताको विचविचमा साँस्कृतिक कार्यक्रम पनि रहेको थियो।
उक्त कार्यक्रम सफल बनाउनका लागि देश विदेशमा बस्नुहुने समाजसेवि तथा खेलप्रमीहरुले सहयोग गर्नुभएको खेल संयोजक प्रदिप रास्कोटीले जानकारी दिनुभयो ।
