गुल्मी, ८ पुस ।
नौ महिना देखी बेपत्ता भएकी ७४ वर्षीया श्रीमतीलाई खोज्दै बागलुङका ८४ वर्षीय वृद्ध गुल्मीमा, सहयोग गरिदिन सबैमा अपिल
जेठ १३ गते दाउरा लिन गएकी श्रीमतीको अहिले सम्म कुनै खबर नआए पछि उनका ८४ वर्षीय श्रीमान बिचल्लीमा परेका छन । बाग्लुङ जिल्लाको बढिगाड गाउँपालिका वडा नम्बर १० की ७४ वर्षीया खिम सरा विक विगत नौ महिना देखी बेपत्ता भएकी हुन ।
श्रीमती बेपत्ता भए संगै उनका श्रीमान यति बेला बिचल्लीमा परेका छन भने श्रीमतीको खोजिमा भौतारिएका छन ।
बाग्लुङ जिल्ला संगै गुल्मी ,अर्घाखाँचीका र प्युठान जिल्ला चाहार्दा समेत कतै बाट केहि खबर नआएको गुनासो गरेका छन ।
बुधवार श्रीमतीको तस्वीर हातमा लिएर गुल्मीको सदरमुकाम तम्घास पुगेका विकले भने “ श्रीमतीको मानसिक सन्तुलन ठिक थिएन दाउरा लिन गएकी श्रीमती अहिले सम्म घर फर्किनन “ ।
उनले थपे “कतै भेटिन्छनकी भनेर फोटो हातमा लिएर मानिसलाई सोधै र खोज्दै हिडेको छु कतै तपाईं हरुले देख्नु भयो भनी खबर गर्नु होला है “।
संबंधित सबै प्रहरी चौकीमा उजुरी दिएको र अहिले सम्म कुनै खबर नआएको गुनासो उहाले गरे ।
साथै फेला पार्नु हुनेले ९८१६१३२११७मा सम्पर्क गर्न समेत उहाले अनुरोध गरेका छन ।
