२० पुष
कञ्चनपुरको नेपाल–भारत सीमा क्षेत्रमा पर्ने भारतीय भूमिमा नेपाली नागरिकमाथि गोली चलेको छ ।
सोमबार भारतीय वनरक्षकको टोलीले दोधरा–चाँदनीसँग जोडिएको भारतीय भूमिमै नेपाली नागरिकमाथि गोली चलाएको हो ।
गोली प्रहारबाट स्थानीय १८ वर्षीय नरेश सुनार घाइते भएका छन् । उनको कञ्चनपुरको सदरमुकामस्थित महाकाली प्रादेशिक अस्पतालमा उपचार भइरहेको जिल्ला प्रहरी कार्यालय कञ्चनपुरका एसपी मुकुन्द मरासिनीले जानकारी दिए ।
उनका अनुसार घटनाको विस्तृत विवरण आइसकेको छैन । घटनाबारे भारतीय पक्षसँग जानकारी लिने प्रयास भइरहेको छ ।
