अनिल खत्री
२५ पुस, गुल्मी ।
गुल्मीमा बाख्रा फममा आगलागी हुँदा पशु चौपायाँ जलेर नष्ट भएका छन् । आगलागीमा परेर बाख्रा फम सञ्चालक घाइते भएका छन् ।
जिल्लाको गुल्मी चन्द्रकोट गाँउपालिका वडानम्बर–३ हर्राचौरमा बिरेन्द्र शाहले संचालन गरेको थ्रि बाख्रा फारममा आगलागी हुँदा २५ वटा बाख्रा जलेर नष्ट भएको जिल्ला प्रहरी कार्यालय गुल्मीले जनाएको छ । जाली,जस्ता र काठले बनेको बाख्राको खोरमा राती अचानक आगलागी हुँदा २५ वटा वाख्रामध्ये १७ वटा माउ बाख्रा र ८ ओटा साना ठुला बोका आगलागीमा परेर नष्ट भएको प्रहरीले जनाएको छ ।
आगलागीमा परेर बाख्रा फारमका संचालक २४ वर्षका बिरेन्द्र शाहा घाइते भएका छन् । उनको गालामा र हात जली मेडिकल कलेज भैरहवामा उपचार भईरहेको प्रहरीले जनाएको छ ।
उनको अबस्था सामान्य रहेको छ । घटनाको थप अनुसन्धानको लागि जिल्ला प्रहरी कार्यालय गुल्मीबाट प्रहरी नायव निरिक्षक मनबहादुर आलेको कमाण्डमा टोली खटाइएको प्रहरीले जनाएको छ ।
आगलागीबाट बाख्रा फम र बाख्राको अन्दाजी मुल्य ३१ लाख ७५ हजार बराबरको क्षती भएको प्रहरीले अनुमान गरेको छ ।
