सियारी, पौष २८
रुपन्देहीको सियारी गाउपालिकामा कोभिड १९ अस्थायी अस्पतालको सुरुवात गरिएको छ । गाउँपालिकाको वाड नम्बर ७ पश्चिम् अमवाको अमवा स्वास्थ्य चौकीबाट सो सेवा सुरु गरिएको गाउँपालिकाले जनाएको छ ।
सोमबार एक कार्यक्रमको अयोजना गरि अस्पतालको गाउँपालिका अध्यक्ष अयोध्या थारुले उद्घाटन गर्नु भएको छ ।
कोभिड अस्पताल सुरु भए संगै गाउँपालिकावासी तथा छिमेकी पालिकाका नागरिक समेतले अस्पतालबाट सेवा लिन सहज हुने गाउँपालिका अध्यक्ष अयोध्या थारुले बताउनु भयो । उहाँले भन्नु भया—“स्वास्थ्य सेवा प्रभावकारी बनाउनका लागि गाउँपालिकामा जगत जननी कार्यक्रमको सुरुवात गरिएको छ ।”
स्वास्थ्यलाई प्राथमिकतामा राखेर गाउँपालिकाले काम गरिरहेको गाउँपालिका उपाध्यक्ष अमृता गुरुङले बताउनु भयो । रोग लागेर उपचार गर्न भन्दा रोग लाग्न बाटो बच्न उहाँले सबैलाई अनुरोध गर्नु भयो ।
स्वास्थ्य सेवालाई प्रभावकारी बनाईने गाउँपालिकाका प्रमुख प्रशासकिय अधिकृत मिन प्रसाद भट्टराईको भनाई छ ।
अस्पतालमा डाक्टर सहितको सेवा उपलब्ध गराईएको गाउँपालिका स्वास्थ्य शाखा प्रमुख बुद्धि बहादुर घर्तिले जानकारी दिनु भयो ।
गाउँपालिकाले जेष्ठ नागरिक, गर्भवती तथा सुत्केरी महिलाको परिक्षण, ल्यव सेवा, सुत्केरीहरुको सेवा, वार्थिङ सेवा, निःशुल्क औषधी वितरण र स्वास्थ्य सेवा लगाएत प्रदान गर्दै आइरहेको छ ।
