कृष्ण अन्जान
२१ माघ, ।
रुरु
लामो कसरत पछि राष्ट्रिय प्रजातन्त्र पार्टीको गुल्मी जिल्ला अध्यक्षमा गुल्मेलि युवा अनिल कुमार कक्षपति चयन हुनु भएको छ ।
राष्ट्रिय प्रजातन्त्र पार्टी र राष्ट्रिय प्रजातन्त्र पार्टी सँयुक्त बिच केन्द्रमा भएको पार्टी एकीकरण पछि गुल्मीमा पनि जिल्ला नेतृत्व निर्माणका लागि पटक पटक भेला र छलफलको आयोजना गरिए पनि गुल्मीमा नेतृत्व कसलाई दिने भन्नेमा निर्णय हुन सकेको थिएन ।
पछिल्लो पटक राप्रपाको केन्द्रीय सम्पादन समितिका सदस्य डुल बहादुर कुँवरको उपस्थितिमा महाधिवेशनको तयारी गर्ने गरि अनिल कुमार कक्षपतिलाइ जिल्ला अध्यक्ष र नर बहादुर विष्टलाइ मानार्थ रहने गरि तोकिएको राप्रपा का जिल्ला नेता अजय श्रेष्ठले जानकारी दिनु भयो ।
जिल्ला अध्यक्षमा चयन भएपछि आफ्नो प्रारम्भिक प्रतिक्रिया दिँदै अध्यक्ष कक्षपतिले सँगठन निर्माणलाइ प्राथमिकतामा राखेर सँवैधानिक राजतन्त्र हिन्दुराज्य राज्य बर्गिय सवलिकरण र राष्ट्रवादको नारालाई जनता समक्ष पुर्याउने बताउनु भयो ।
राजनिती सधै अनिर्णयको बन्दी बन्नु हुँदैन राष्ट्रलाइ निकाश दिन राष्ट्रवादि शक्ति एक हुनुको विकल्प नरहेकोले नै राप्रपा विच एकीकरण भएको र मुलुकका अन्य राष्ट्रवादी शक्ति सँग एकिकरणको प्रकृया जारि रहने गुल्मी राप्रपाको एकीकरण भेलामा तम्घास आइपुग्नु भएका राष्ट्रिय प्रजातन्त्र पार्टी राष्ट्रिय सम्पादन समितिका सदस्य डुल बहादुर कुँवरको भनाइ छ ।
जिल्ला भरि युवाहरुले सँगठित हुन हामिलाइ बोलाइ रहेका छन तर जिल्लामा एकिकरणको काम नसकिएकाले सँगठनको काम अगाडि नबढेको तर अब एकीकृत राप्रपाले आफ्ना एजेन्डा सँवैधानिक राजतन्त्र र हिन्दुराज्य स्थापनाको नारा सहित सँघठन अभियानमा जुट्ने तयारी गरिसकेको राप्रपाका जिल्ला नेता अजित श्रेष्ठ बताउनु भएको छ ।