बुटवल, फाल्गुण ४
होराईजन गौतमबुद स्कूल तिलोत्तमा नगरपालिका १ शंकरनगर ड्राइवरटोलले विद्याकी अधिष्ठात्री सरस्वती माताको पूजाको दिन वसन्त पञ्चमीको अवसरमा तिलोत्तमा नगरपालिका योगीकुटी स्थित श्री सगरमाथा आधारभूत विद्यालयमा अध्ययन गर्ने १०५ जना विद्यार्थीहरूलाई स्कूल ब्याग, कापी र पेन्सिल जस्ता आधारभूत शैक्षिक सामाग्रीहरू एक औपचारिक कार्यक्रमविचमा वितरण गरेको छ।
सगरमाथा आधारभूत विद्यालयका अध्यक्ष कृष्ण कैसी को अध्यक्षतामा र सोहि वार्डका वार्ड अध्यक्ष टंक तिवारीको प्रमुख आतिथ्यतामा संचालित उक्त कार्यक्रममा होराईजन गौतमबुद स्कूलका अध्यक्ष श्री ज्ञानेन्द्र कसजू को बिषेश उपस्थिति रहेको थियो । होराईजन गौतमबुद स्कूल ड्राइवरटोलका प्राचार्य श्री गोपाल प्रसाद आचार्यले न्यु होराईजन कलेज अन्तर्गत संचालित होराईजन गौतमबुद स्कूलले सामाजिक उत्तरदायित्व वहन गर्ने अभिप्रायले गतबर्ष तिलोत्तमा नगरपालिकाको समन्वयमा सो बिद्यालयको नाममा रु दुईलाखको अक्षयकोष स्थापना गरेको , त्यसकै ब्याज स्वरूप प्राप्तहुने रु. ४८००० अक्षेरुपी अठचालिस हजार बराबरको शैक्षिक सामाग्रीहरूको बितरण गरिएको र त्यसकै निरन्तरता आगामि बर्षहरूमा पनि रहने जानकारी दिनुभयो। उक्त कार्यक्रममा होराईजन कलेजका संस्थापक श्री प्रकाश घिमिरेको आतिथ्यता , सगरमाथा स्कूलका ब्यबस्थापन समितिका सदस्यहरू तथा स्कूलकका शिक्षक अभिभावक र विद्यार्थीहरूको उल्लेख्य उपस्थिति रहेको थियो ।
