फाल्गुन १८ गुल्मीको भाडगाउँमा भेटिएको युवतीको शव घटना स्थलबाट उठाइएको छ ।
जिल्लाको रेसुङ्गा नगरपालिका वडानम्बर–३ भाडगाँउमा सोमबार बिहान फेला गरेको २१ वर्षीया सम्झना बोहराको शवलाई पोष्ट मार्टम गर्न गुल्मी अस्पताल ल्याइएको जिल्ला प्रहरी कार्यालय गुल्मीका प्रहरी नायव उपरीक्षक (डिएसपी) पुरुषोत्तमप्रसाद पाण्डेले बताउनु भयो ।
युवतीको शव सोमबार फेला परेता पनि माइती पक्ष घटना स्थल पुग्न ढिला गरेपछि मंगलवार दिउसो मात्रै शव उठाइएकोे प्रहरीले जनाएको छ । युवतीको शवलाई प्रहरीले मुचुल्का उठाएर पोष्ट मार्टम गर्न पोष्ट मार्टम गर्न गुल्मी अस्पताल ल्याइएको उपरीक्षक (डिएसपी) पाण्डेले बताउनु भयो ।
गत माघ २९ गते रातीदेखि २१ वर्षीया सम्झना बोहरा बेपत्ता भएकी थिइन् । उनको शव १८ दिनपछि स्थनीय लालबहादुर खत्रीले घाँस काटने क्रममा शबको गन्ध आएको थाहा पाएपछि प्रहरीलाई खबर गरेका थिए ।
शव घरनजिकै झण्डै डेढसय मिटर नजिकै बारिको कुनामा टाउको बोरामा राखेको र स्याउला र ढुंगाले ढाकेको अवस्थामा शव फेला परेको थियो । युवतीको शवसँगै डढेको कपडा र गलि सकेको अबस्थामा शव रहेको प्रहरीले जनाएको छ ।
घटनाबारे थप अनुसन्धान भइरहेको प्रहरीले जनाएको छ । युवतीको हत्या भएको हुनसक्ने भन्दै माइती पक्षले तत्काल दोषी पत्ता लगाउन माग समेत गरेका छन् ।
सम्झना बेपत्ता भएको दुई दिनपछि फागुन २ गते सासू तोमकली खत्री घर नजिकै खनियाको रुखमा झुन्डिएको अवस्थामा फेला परेकी थिइन् ।
