, २४ फागुन
सन्धिखर्क
निशुल्क गाडीमा अस्पतालसम्म आएर खोप लगाउन पाएकोमा सन्धिखर्क(१२ का ९४ वर्षिय गौरिनारायण श्रेष्ठ खुशी छन् । ‘खोप दिएर मात्र भएन, यती टाढा आउने उपाए थिएन, उनले भने,‘अध्यक्ष बाबुले यहाँसम्म ल्याउने व्यवस्था गरिदिनु भयो, हामी असाध्यै खुशी छौं ।’ युवा भएर पनी वडाअध्यक्षले गरेको कामबाट सबैले पाठ सिक्नुपर्ने उनको भनाई छ ।
वडाअध्यक्षले निशुल्क व्यवस्था गरेको गाडी चढेर खोप लगाउन आएका ९२ वर्षिय ईन्द्रप्रसाद श्रेष्ठले वडाअध्यक्षले छोराछोरीले भन्दा बढी सेवा दिएको बताए । ‘धेरै गतिलो बाबु हुनुहुन्छ, यो जमानामा कसैले गर्दैन, उनले भने,‘हामी बुडाबुढीलाई अरु के चाहिन्छ र रु’
सन्धिखर्क नगरपालिका वडा नम्बर(१२ का वडाअध्यक्ष नारायण खड्का सामाजिक कार्यले चर्चामा आईरहने व्यक्ती हुन् । आफ्नो सम्पुर्ण तलब र भत्ता सामाजिक क्षेत्रमा खर्चिदै आएका वडाअध्यक्ष खड्काले यसपाली आफ्ना वडाका सबै नागरिकलाई कोरोना विरुद्धको खोप लगाउन निशुल्क गाडीको व्यवस्था गरिदिएका छन् । यही फागुन २३ गतेदेखी नेपाल सरकारले ६५ वर्ष पुगेका नागरिकलाई खोप लगाउन सुरु गरेको छ ।
सन्धिखर्क(१२ का नागरिकलाई अर्घाखाँची अस्पलाल सन्धिखर्कमै खोपको व्यवस्था छ । टाढाबाट आउन गाह्रो हुने र खोप लगाईसकेपछी कुनै लक्षण देखियो भने अफ्ठ्यारो हुने भएकाले अध्यक्ष खड्काले सबैलाई निजि खर्चमै गाडीको व्यवस्था गरेका छन् । ‘डिभर्नाबाट यहाँ आउन वृद्धवृद्धालाई गाह्रो पर्छ, उनले भने,‘मेरो थोरै सहयोगले सहज हुन्छ भने मैले सँधै गरेको छु र गर्नेछु ।’ कोरोना खोपले कसैलाई असर पनी पुर्याउने भएकाले सचेतना अपनाउनु पर्ने उनको भनाई छ ।
उनले खर्च व्यवस्थापन मात्र होईन आफु चढ्ने निजी बलेरोमा समेत वृद्धवृद्धा बोकेर आफै हिंडेका छन् । आफ्नो तलब र भत्ताको खर्चमा तिनवटा हाईस र एक बलेरोमा वडाका करिब १ सय ५० वृद्धवृद्धाहरुलाई अध्यक्ष खड्काले स्वास्थ्य कार्यालयसम्म ल्याएका हुन् ।
स्थानिय स्वास्थ्यसंस्था मार्फत दोस्रो चरणमा ६५ वर्षमाथीका वृद्धवृद्धालाई खोप लगाउन सुरु गरेको छ । अर्घाखाँचीका ४२ ओटा स्वास्थ्यसंस्था मार्फत खोपसेवा प्रदान गरिएको छ । आईतवार पहिलो दिन ५ हजार तिनसय ४३ जनाले खोप लगाएका थिए । यसअघि भारत सरकारले नेपाललाई अनुदानस्वरूप कोभिशील्ड खोपको १० लाख मात्रा उपलब्ध गराएको थियो। त्यही खोप प्रयोग गरेर नेपालमा कोभिड(१९ विरुद्ध खोप अभियान सुरु भइसकेको छ।
