गुल्मी, चैत ५
गुल्मीको छत्रकोट गाउँपालिका वडा नं ४ श्रृङ्गामा कवर्ड हलको शिलान्यास भएको छ ।
छत्रकोट गाउँपालिकाको आ व २०७७÷७८ को वार्षिक बजेटबाट निर्माण सम्पन्न गरिने कवर्ड हलको आज एक समारोहबीच गा पा अध्यक्ष मधुकृष्ण पन्तले शिलान्यास गर्नुभएको हो ।
वैदिक बिधिबाट पूजा गरी गरिएको शिलान्यासमा गा पा का प्रमुख प्रशासकीय अधिकृत दामोदर भन्डारी ,वडा नं ४ का वडा अध्यक्ष डिलाराम न्यौपाने , वडा सदस्यहरू चुण्डप्रसाद कँडेल , वडा नं ३ का वडा सदस्य बाबुराम अर्याल , श्रृङ्गा जनता माविका प्रधानाध्यापक विकास चन्द्र खरेल , निर्माण समितिका पदाधिकारीहरू , स्थानीय समाजसेवीह? लगायतको सहभागिता रहेको थियो ।
खेलप्रेमीह?को आवश्यकतालाई मध्यनजर गरी गाउँपालिकामा ब्याडमिन्टन खेलाडी उत्पादन गर्ने उद्देश्यले कवर्ड हलको निर्माण गर्न लागिएको गा पा अध्यक्ष मधुकृष्ण पन्तले बताउनुभयो ।
