गुल्मी, चैत ५
गुल्मीको मालिका गाउपालिकामा सोमबार देखि सन्चालित सडक नाटकको बिहिबार समापन गरिएको छ ।
गाउपालिकालाई बाल बिबाह मुक्त गाउपालिका घोषणा गर्नका लागि चेतनामुलक सडक नाटक प्रस्तुत गरिएको थियो । आज समापनको दिन वडा नम्बर ७ को देबिस्थान माबि घमिर ,८को मालीका माबि मरभुङ्गमा नाटक प्रस्तुत गरिएको गाउपालीका प्रवक्ता शोभाखर गिरिले जानकारी दिनुभयो ।
मालीका गाउपालीकाको आयोजना ,मालीका समाज कल्याण परिषदको व्यवस्थापन र जनआधार मिडिया प्रालिको प्रस्तुतिमा कार्यक्रमको गरिएको थियो ।
समापन सत्रमा मालीका समाज कल्याण परिषदको अध्यक्ष तुल्सी अर्यालको अध्यक्षता,गाउपालीका अध्यक्ष रित बहादुर थापाको प्रमुख आथित्यता,उपाध्यक्ष देवा अर्यालको बिशिष्ट आथित्यता, वडा नम्बर ८ को वडाध्यक्ष टिका जिसि,वडा नम्बर ६ का वडाध्यक्ष शोभाखर गिरि लगायतको आथित्यता रहेको थियो ।
समापन कार्यक्रममा बोल्दै गाउपालीका अध्यक्ष तथा कार्यक्रमका प्रमुख अतिथि रित बहादुर थापाले मालीका गाउपालीका लाई ३ वर्षमा बाल बिवाह मुक्त गाउपालीका घोषणा गर्ने प्रतिवद्धता व्यक्त गर्नुभएको छ ।
कलाकार टोलीलाई आज बिदाई गरिएको प्रवक्ता शोभाखर गिरिले जानकारी दिनुभयो ।
