अर्घाखाची,चैत १३ – बुटवलबाट अर्घाखाचीको लागि छुटेको बलेरो जिप कपिलवस्तुको गोरूसिङगे –पथ्थरकोट सडक खण्डमा दुर्घटनाग्रस्त भएको छ ।
दुर्घटनामा २ जना घाईते भएका छन् । घाइते हुनेमा सन्धिखर्क १२ का २६ बर्षिय जिप चालक बिपल श्रेष्ठ र रूपन्देही शुद्दोधन गाउँपालीका २ का २८ बर्षिय नागेश्वर थारू रहेका छन । बुटवलबाट किराना पसलको सामान बोकेर अर्घाखाँचीको सन्धिखर्क हिडेको लु २ च ७०२५ नम्बरको जिप सडकमा अनियन्त्रित भई बिजुलीको पोलमा ठोक्किएर दुर्घटना भएको हो । घाईते दुबै जनालाई थप उपचारका लागि बुटवल पठाईएको ईलाका प्रहरी कार्यालय गोरूसिङगेका प्रहरी निरीक्षक कृष्ण रानामगरले जानकारी दिनुभयो ।
