धुर्कोट,
चैत १४ – धुर्कोट गाउँपालिका वडा नंम्बर १ नयागाउँमा गठित भाखर्क महिला उद्यम समुहले प्यारालाइसेस बिरामी भिम बहादुर परियारलाई एक कार्यक्रमका बिच खाद्यान्न उपहार प्रदान गरेको छ।
धुर्कोट गाउँपालिका र हेफर प्रोजेक्ट नेपालको आर्थिक सहयोगमा सिर्जनशिल सामुदायिक विकास केन्द्र गुल्मीद्वारा संचालित सामुदायिक विकासका लागी बाख्रा उद्यम परियोजना अन्तरगत गठित समुहले उपहार प्रदान गरेको हो ।
भोकालाई एकछाक भोजन होइन जिउने जुक्ती सिकाऔ भन्ने मुल मन्त्रलाई आत्मसाथ गर्दै उक्त समुहमा केहिदिन पहिला न्यायोचित एबम दिगो बिकासका लागि हेफर आधारशिला सम्पन्न भएपछी समुहका सदस्यहरूले सामुहिक प्रतिवद्धता गरेबमोजिम बास्तविक आबस्यकताको पहिचान गरि धुर्कोट गाउँपालिका वडा नं १ नयाँगाउ खर्क मिलनचोक निवासी प्यारालाइसेस बिरामि भिम बहादुर परियारलाई घर परिवार चलाउन सहज होस भन्ने उदेश्यले समुहका २१ जना सदस्यले रु १०० का दरले नगद रु २१०० जम्मा गरी १ बोरा चामल १ लिटर तेल, २ के जि दाल १ के जि नुन २ प्याकेट मसला १ पाकेट बेसार सामुहिक रुपमा उपहार प्रदान गरेको समुहले जनाएको छ।
त्यस्तै ब्यक्तिगत रुपमा वडा सदस्य चेतमान कुवरले ५००,नारायण कुवरले ५००, भरत कुवरले २५० ,शान्ता खत्रीले २५०, रमा खड्का र कस्मिरा अधिकारीले १०० गरि १४५० नगद उपहार गरिएको छ ।
समुहकी अध्यक्ष बिनिता कुवरको अध्यक्षता , धुर्कोट गाउँपालिका वडा नंम्बर १ का वडा सदस्य चेतमान कुवरको प्रमुख आथित्यता, सामुदायिक विकासका लागी बाख्रा उद्यम परियोजनाका सामुदायिक सहजकर्ता विष्णु कुवर, मुल समुहबाट रमा खड्का, शान्ता खत्री ,समाजसेबी नारायण कुवरको आतित्थता रहेको थियो ।
समुह सदस्य मिना खत्री कुवरको स्वागत मन्तव्य वाट सुरू भएको कार्यक्रममा मुल समूह बाट कस्मिरा अधिकारि र समाजसेबी भरत कुवरले शुभकामना मन्तब्य राख्नुभएको थियो ।
कार्यक्रमको संचालन समुहकी सचिव सरस्वता जि सि खड्काले गर्नुभएकोे परियोजनाका सहजकर्ता बिष्णु कुवरले जानकारी दिनुभयो ।
