गुल्मी,चैत १५ – आज (आइतबार )रङहरुको पर्व होली,पहाडी तथा हिमाली जिल्लामा हर्षोल्लासका साथ मनाइँदैछ ।
फागु पर्व आज परम्परागत रूपमा विभिन्न रङ र लोला खेली मनाउने परम्परा छ
नेपालका पहाडी तथा हिमाली क्षेत्रमा फागु पूर्णिमाका दिन होली मनाउने गरिन्छ भने तराईमा पूर्णिमाको भोलिपल्ट होली पर्व मनाउने गरिन्छ । यस वर्ष पनि तराईमा सोमबार होली मनाइँदै छ । फागु पर्वका अवसरमा सरकारले सार्वजनिक बिदा दिँदै आएको छ ।
यो वर्ष पनि कोरोना भाइरसको प्रभावले गर्दा फागुपर्वमा भेला भएर होली नखेल्न सरकारले आग्रह गरेको छ । सबै जिल्ला प्रशासन कार्यालयहरुले भेला भएर, भीड जम्मा गरेर होली नखेल्न आग्रह गरिसकेका छन ।
गुल्मीमा भिडभाड, जुलुस, ¥यालीमा प्रशासनले रोक लगाएको छ । छिमेकी देश भारतमा कोरोना महामारीको संख्या बृद्धि र मृत्युदर बृद्धि भएपछि त्यसको सर्तकता स्वरुप भिडभाड, जुलुस, ¥याली गर्न नपाइने भएको हो ।
होलीको अबसरमा परिवार भित्र मात्र मनाउन जिल्ला प्रशासन कार्यालय गुल्मीले सबैमा अनुरोध गरेको छ ।
त्यस्तै माक्स सबैले अनिवार्य रुपमा लगाउने, सामाजिक दूरी, साबुन पानी वा सेनिटाइजरले हात धुने व्यवस्थालाई पालन गर्नु गराउनु हुन अनुरोध गरिएको छ । होटल, रेष्टुरेन्ट, मदिरा बिक्री बितरण उपभोग लगायतका व्यवसायहरु राती ८ बजेपछि बन्द गर्ने निर्णय भएको छ ।
सवारी साधनमा सिट क्षमता भन्दा वढि यात्रु नराख्ने, अनिवार्य माक्स तथा सेनिटाइजरको व्यवस्था यातयात व्यवसायीहरुले मिलाउने निर्णय गरिएको छ । सरकारी गैरसरकारी निजी क्षेत्र, बिद्यालय÷ कलेजहरु, व्यवसायी, संघ, संस्थाहरुले स्वास्थ्य सुरक्षाका मापदण्ड कडाइका साथ पालना गराउने निर्णय भएको छ ।
निर्माण व्यवसायीहरुले विदेशबाट कामदार ल्याउदा अनिवार्य रुपमा एन्टीजेन टेष्ट गरी नेगेटिभ रिर्पोट आएकाहरुलाई मात्र निर्माण सम्बन्धि काममा लगाउने निर्णय गरिएको छ ।
स्वास्थ्य तथा जनसङ्ख्या मन्त्रालयले भारत, बेलायत, फ्रान्सलगायत युरोपेली मुलुकमा कोभिड–१९ को संक्रमणको दरमा वृद्धि भएको र नेपालमा पनि प्रभाव पर्न सक्ने भन्दै सावधानी अपनाउन अनुरोध गरेको छ ।