बिष्णु भण्डारी
रिडि,चैत २० – आज अप्रिल २ अर्थात अन्तराष्ट्रिय अटिजम जनचेतना दिवस ।
अन्तराष्ट्रिय जगत खासगरि बिकसित मुलुकहरुमा अपांगता भएका व्यक्तिहरुको लागि शिक्षा,स्वास्थ्य र रोजगार समेतको प्रत्याभुति सरकारले गरेपनि नेपालमा राजनैतिक अस्थिरता तथा अनुत्तरदायित्वका कारण अटिजम लगायत अपांगता भएका व्यक्तिहरु नरकिय जिवन बाध्य छन ।आज बिश्वमै अटिजम जनचेतनाको लागि निलो बत्ती बालेर यो दिवश मनाइन्छ ।
पछिल्लो समयमा अटिजम सगं सम्बन्धीत केहि गैर सरकारी संस्थाहरु स्थापना भएपनि राज्यले अटिजम भएका व्यक्ति समग्रमा अपांगता भएका व्यक्तिका लागि उत्तरदायित्व लिएको देखिएको छैन ।जनस्तरबाटै अपांगता भएका व्यक्तिहरुका लागि शिक्षा तथा रोजगारीको प्रत्याभुति गराउने परिकल्पनाका साथ अभिभावकहरुको सक्रियतामा रुरुक्षेत्रधाम रिडिमा अटिजम पाठशाला नामक स्वयमसेबि संस्था स्थापना गरिएको छ ।
अटिजम भएका बालबालीकामा एक्लै बस्ने बानी, आखामा आखा जुधाउने ,डर नमान्ने, बोलाउदा नबोल्ने,घाउचोटलाई वास्ता नगर्ने,बढि चकचक गर्ने जस्ता लक्षणहरु देखिन्छन ।
यस्ता लक्षणहरु देखिएमा अटिजम पाठशालामा सम्पर्क गर्न संस्थाले अनुरोध गरेको छ । संस्थालाई जिल्ला समन्वय समिति गुल्मीका तुलसीदेबि श्रेष्ठले २ रोपनी जग्गा निशुल्क प्रदान गर्नुभएको छ ।
उक्त जग्गामा संस्थाको भवन बनाउने योजना रहेको अध्यक्ष अमृता कंडेलले जानकारी दिनुभयो ।
