काठमाडौँ,
बैशाख ११ – नेपालमा पछिल्लो समय कोरोना संक्रमण हुनेको संख्या तीब्र रुपमा बढिरहेको छ ।
दिनप्रति दिन कोरोना संक्रमितको संख्या तीब्र रुपमा बढिरहदा सतर्कता अपनाउनुपर्ने देखिएको छ । नेपालमा पछिल्लो २४ घण्टामा २ हजार ६१८ जनामा कोरोना संक्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार ८ हजार ६६८ जनाको पीसीआर परीक्षण गर्दा २ हजार ६१८ जनामा कोरोना संक्रमण पुष्टि भएको हो । योसगै नेपालमा कुल संक्रमितको संख्या २ लाख ९७ हजार ८७ पुगेको छ ।कोरोना भाइरसको संक्रमणबाट पछिल्लो २४ घण्टामा देशभर ३ सय ६८ जना निको भएर घर फर्किएका छन् । योसगै डिस्चार्ज हुनेहरुको कुल संख्या २ लाख ७७ हजार १२३ पुगेको छ ।यस्तै पछिल्लो २४ घण्टामा थप १४ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ३ हजार १३६ पुगेको छ ।