राधा पोख्रेल/ रुरु
गुल्मी,जेठ ६ – नेकपा एमाले रुरुक्षेत्र वडा नम्बर १ गाउकमिटि गुल्मीले रुरुक्षेत्र गाउपालीकाले सन्चालन गरेको आइसोलेसन सेन्टरको लागि अक्सिजन बैंक स्थापना गरेर निशुल्क अक्सिजन उपलब्ध गराएको छ ।
रुरु हेल्थ सेन्टर र गाउपालीका भित्रका एक एक वटा हेल्थ सेन्टरहरुलाइ अक्सिजन उपलब्ध गराएको हो ।आइसोलेसनमा चाहिने जति अक्सिजन उपलब्ध गराइने नेकपा एमाले रुरुक्षेत्र वडा नम्बर १ गाउकमिटिका सचिव चिरन्जिबि ज्ञवालिले जानकारी दिनुभयो । पहिला पार्टिको सक्रियतामा पार्टिभित्रबाट रकम संकलन गरि सुरु गरिएको यस अभियानमा आफुहरुले सहयोग नमागेपनि गाउपालीका वासि र देश तथा बिदेशमा रहनुभएका रुरुक्षेत्र वासिहरुले कमिटिलाई सम्पर्क गरि सहयोग गरेको ज्ञवालीले बताउनुभयो ।
आजसम्म १ लाख ५० हजार रकम संकलन भएको र सोहि रकमबाट अक्सिजन खरिद गरि निशुल्क रुपमा उपलब्ध गराएको उहाले बताउनुभयो ।अभियान अन्तर्गत बैशाख २६ गते पहिलो लटमा १४ वटा अक्सिजन सिलिण्डर ल्याएर उपलब्ध गराएको पार्टिले अहिले पाचौ लटमा अक्सिजन उपलब्ध गराएको छ ।
नेकपा एमाले गुल्मी जिल्ला सचिवालय सदस्य तथा रुरुक्षेत्र गाउकमिटि इन्चार्ज हिमाल श्रेष्ठ,नेकपा रुरुक्षेत्र वडानम्बर १ कमिटि अध्यक्ष नवराज बिक,सचिव चिरन्जिबि ज्ञवाली,नेकपा एमाले जिल्ला कमिटि सदस्य प्रेम भण्डारी,गाउकमिटि सदस्य सोबित थापा,तारा सुवेदि, रबि पन्त,एमनारायण भण्डारीको सक्रियतामा यो अभियान सन्चालन गरिएको हो ।
